بھارتی پنجاب میں رکن صوبائی اسمبلی بننے والے لبھ سنگھ اوگوک جب اسی اسکول میں مہمان خصوصی کی حیثیت سے پہنچے جہاں ان کی والدہ جھاڑو لگاتی ہیں تو ماں خوشی سے نہال ہو گئیں۔
تفصیلات کے مطابق پنجاب کے ممبر قانون ساز اسمبلی (ایم ایل اے) لبھ سنگھ اوگوک نے ایک سرکاری اسکول میں بحیثیت مہمان خصوصی شرکت کی جہاں ان کی والدہ گزشتہ 25 سال سے جھاڑو لگا رہی ہیں۔
بھارتی میڈیا کے مطابق بھارتی ریاست پنجاب کے ایک اسکول میں 25 سالوں سے خاکروب کا کام کرنے والی خاتون کو اس وقت فخر کا احساس ہوا جب ان کا بیٹا اسی اسکول میں مہمان خصوصی بن کر پہنچا۔
Punjab| AAP MLA from Bhadaur, Labh Singh Ugoke, reached a govt school in Ugoke village as Chief Guest where his mother Baldev Kaur has been working as a sanitation worker for last 25yrs
"It’s a matter of great pride, I’m very happy that my son has become an MLA,”she says (05.04) pic.twitter.com/EevndNEp1z
— ANI (@ANI) April 6, 2022
خاکروب والدہ نے کہا مجھے خوشی اور فخر ہے کہ میرا بیٹا لبھ سنگھ اوگوک رکن اسمبلی بن کر اس اسکول کا مہمان خصوصی بنا جس میں اس نے خود تعلیم حاصل کی ہے۔
ان کا کہنا تھا کہ ہم نے ہمیشہ پیسے کمانے کے لیے سخت محنت کی ہے اور میرے بیٹے کے اعلیٰ عہدے پر پہنچنے کے باوجود بھی میں اپنی ذمہ داری پوری کرتی رہوں گی۔
لبھ سنگھ اوگوک نے حال ہی میں عام آدمی پارٹی کے ٹکٹ پر پنجاب کے سابق وزیر اعلیٰ چرنجیت سنگھ کو شکست دی تھی۔