بیجنگ : چینی حکام نے لداخ کو یونین ٹریٹری کے طور پر تسلیم کرنے سے انکار کرتے ہوئے متنازع علاقے میں بھارت کی جانب سے تعمیرات کی مخالفت کی ہے۔
چینی خبر رساں ادارے کی رپورٹ کے مطابق لداخ کے محاز پر گزشتہ کئی برس سے چین اور بھارت کے درمیان پر کشیدگی جاری ہے جس میں رواں برس کافی شدت دیکھی گئی ہے۔
لداخ سے متعلق بھارتی اقدام پر چینی بیان سے دوبارہ کشیدگی بڑھنے کا خدشہ ہے، چینی وزارت خارجہ نے بیان دیا ہے کہ چین بھارت کی جانب سے غیر قانونی پر قائم کردہ لداخ یونین ٹریٹری کو تسلیم نہیں کرتا۔
چینی حکام نے متنازعہ علاقے میں فوجی مقاصد کی تکمیل کےلیے بھارت کی جانب سے کی جانے والی تعمیرات کی بھی مخالفت کی ہے۔
خیال رہے کہ مودی سرکاری کی جانب سے گزشتہ برس 5 اگست کو مقبوضہ وادی کی خصوصی حیثیت کو ختم کرتے ہوئے ریاست کو دو حصوں میں تقسیم کیا گیا تھا وگرنہ لداخ مقبوضہ جموں و کشمیر کا حصہ تھا۔
