بدھ, فروری 19, 2025
اشتہار

لاہور: نامعلوم افراد کے تشدد سے باپ قتل، ملزمان نے بتایا بینک ملازم ہیں، زخمی بیٹی کا بیان

اشتہار

حیرت انگیز

لاہور: وفاقی کالونی جوہر ٹاؤن میں نامعلوم افراد کے تشدد سے باپ قتل جب کہ جواں سال بیٹی زخمی ہو گئی۔

تفصیلات کے مطابق لاہور میں وفاقی کالونی جوہر ٹاؤن میں نامعلوم افراد کے تشدد سے ایک شخص جان سے ہاتھ دھو بیٹھا، مقتول کی بیٹی کا کہنا ہے کہ حملہ آوروں نے بتایا کہ وہ بینک ملازمین ہیں۔

واقعے کے بعد 24 سالہ زخمی بیٹی زینب کو طبی امداد کے لیے جناح اسپتال منتقل کر دیا گیا، پولیس اور فرانزک ٹیموں نے موقع پر پہنچ کر شواہد اکٹھے کر لیے، سی سی پی او بلال صدیق نے واقعے کا نوٹس لیتے ہوئے ایس پی صدر سے رپورٹ طلب کر لی ہے۔

زخمی لڑکی زینب نے بیان میں بتایا کہ ملزمان نے حملہ کرتے ہوئے کہا کہ وہ بینک ملازمین ہیں، ہم نے کال کی تو تم نے گالیاں نکالیں، تمھیں زندہ نہیں چھوڑیں گے۔

زینب نے کہا حملہ آور نے میرے سر پر کوئی چیز ماری جس سے میں لہولہان ہوگئی، میں نے خود کو کمرے میں بند کر کے جان بچائی، سوائے ایک چین کے حملہ آوروں نے کوئی چیز نہیں اٹھائی، وہ صرف ہمیں مارنے آئے تھے۔

مقتول شخص کے داماد نے پولیس کو بتایا کہ ان کی بیوی کے نمبر پر کچھ دنوں سے بینک اسکیم سے متعلق کال آ رہی تھی۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں