لاہور: پاکستان کی معروف اسٹیج اداکارہ عروج خان کے گھر پر فائرنگ کا واقعہ پیش آیا ہے۔

تفصیلات کے مطابق لاہور میں پاکستان کی معروف اسٹیج اداکارہ عروج خان کے گھر پر فائرنگ کا واقعہ پیش آیا تاہم اس میں اداکارہ محفوظ رہیں جبکہ ملزم کو گرفتار کرلیا گیا۔

پولیس کے مطابق ملزم نے دن دیہاڑے اسٹیج اداکارہ کے گھر پر گولیاں چلائیں، گھر پر فائرنگ کی سی سی ٹی وی ویڈیو بھی سامنے آگئی ہے۔

اس حوالے سے اداکارہ عروج نے الزام لگایا کہ ایک شخص ناصر خان انہیں عرصہ دراز ہراساں کرتا ہے، تاہم اب ملزم نے اپنے ساتھیوں کیساتھ ملکر اندھا دھند فائرنگ کی۔

پولیس کے مطابق اداکارہ کی مدعیت میں واقعے کا مقدمہ درج کرنے کے بعد قانونی کارروائی کی گئی اور فائرنگ کرنے والے ملزم کو گرفتار کرلیا گیا۔