لاہور: سردی کی شدت میں اضافے کے ساتھ ہی لاہور میں گیس کا بحران شدت اختیار کرگیا، شہر کے مختلف علاقوں سے گیس پریشر میں کمی اور گیس نہ آنے کی شکایات بڑھ گئیں۔
تفصیلات کے مطابق لاہور کے متعدد علاقوں سے گیس بھی غائب ہوگیا شہری ایل پی جی، لکڑیوں پرکھانا پکانے پر مجبور ہیں۔
متاثرہ علاقوں میں بھاٹی گیٹ، انار کلی، رنگ محل، نسبت روڈ، گوالمنڈی، فیروز پور روڈ، سبزہ زار، گڑھی شاہو گرین ٹاؤن، ہربنس پورہ، سمن آباد ، اچھرہ، گلشن راوی، چوبرجی، مزنگ شامل ہے۔
لیکن دوسری جانب ترجمان سوئی ناردرن کا اس حوالے سے کہنا ہے کہ تمام سیکٹرز کوگیس کی مسلسل فراہمی یقینی بنا رہے ہیں ، کھاناپکانےکےاوقات میں گیس فراہمی کاکوئی مسئلہ درپیش نہیں ہے۔
سوئی گیس حکام نے کہا کہ گیس کمپریسر کے استعمال کی وجہ سے بعض علاقوں میں پریشر کم ہے، گیس کمپریسر استعمال کرنے والے صارفین کا کنکشن منقطع کردیا جائے گا۔
اس کے علاوہ شہر قائد کے بھی کئی علاقوں میں گیس کی گھنٹوں لوڈشیڈنگ جاری ہے۔