The news is by your side.

Advertisement

لاہور کے اسپتال نامعلوم لاشوں سے بھر گئے

پنجاب کے دارالحکومت لاہور کے بڑے سرکاری اسپتالوں کے مردہ خانے نامعلوم افراد کی لاشوں سے بھر گئے۔

تفصیلات کے مطابق پولیس کی غفلت اور عدم دلچسپی کے باعث میو اسپتال اور جناح اسپتال میں لائی گئی لاشوں کی شناخت ایک ماہ سے زائد وقت کا عرصہ گزرنے کے باوجود نہ کی جا سکی۔

نامعلوم لاشوں سے مردہ خانے بھر چکے ہیں اور ان کی تدفین کے لیے سنیجدہ کوششیں نہ ہونے کے برابر ہیں۔ صوبائی دارالحکومت کے دونوں بڑے اسپتالوں میں اس وقت 31 لاشیں موجود ہیں جن سے تعفن پھیلنے لگا ہے۔

میو اسپتال میں 20 اور جناح اسپتال میں 11 نامعلوم لاشیں رکھی گئی ہیں جن کی تدفین پولیس کی غفلت کے باعث نہیں کی گئی۔

شناخت اور ضابطے کی کارروائی کے بعد لاشوں کی تدفین کا عمل مکمل کیا جاتا ہے لیکن ایک ماہ سے یہ لاشیں مردہ خانے میں ہی رکھی ہوئی ہیں۔

Comments

یہ بھی پڑھیں