لاہور میں گزشتہ سال کی نسبت جرائم کی شرح میں کتنے فیصد کمی واقع ہوئی، پولیس نے اعداد و شمار جاری کردیے۔
تفصیلات کے مطابق لاہور پولیس نے جرائم کی شرح کے حوالے سے 2023 اور 2024 کے پہلے 3 ماہ کے اعداد و شمار جاری کر دیے۔ گزشتہ سال کی نسبت جرائم کی شرح میں 30 فیصد کمی واقع ہوئی ہے۔
پولیس رپورٹ میں بتایا گیا ہے کہ 2023 کے پہلے 3 ماہ میں قتل کی 109 وارداتیں رپورٹ ہوئیں۔ 2024 کے پہلے 3 ماہ میں قتل کی 83 وارداتیں ہوئیں۔
2023 کے 3 ماہ میں ڈکیتی کی 31 وارداتیں ہوئیں۔ رواں سال کے 3 ماہ میں صرف 9 وارداتیں رپورٹ ہوئیں۔ گزشتہ سال ڈکیتی کی 3 ماہ میں 6016 اور رواں سال 3354 وارداتیں رپورٹ ہوئیں۔
لاہور پولیس نے بتایا کہ پچھلے سال کے 3 ماہ میں موٹرسائیکل چوری کی 6781 اور رواں سال 5035 وارداتیں رپورٹ ہوئیں۔ گزشتہ سال 3 ماہ میں سنگین جرائم کی 14250 اور رواں سال 9608 وارداتیں رپورٹ ہوئیں۔