The news is by your side.

Advertisement

لاہور : دو پولیس مقابلے، دو ڈاکو ہلاک ایک زخمی حالت میں گرفتار

لاہور : باٹا پور اور باغبان پورہ میں پولیس مقابلے کے بعد 2 ڈاکو ہلاک ایک کو گرفتار کرلیا گیا، ملزمان واردات کے بعد فرار ہورہے تھے کہ پولیس پہنچ گئی۔

تفصیلات کے مطابق لاہور کے علاقے باٹا پور میں پولیس مقابلہ ہوا ہے جس میں دو ڈاکوؤں کے ہلاک ہونے کی اطلاعات ہیں۔
اس حوالے سے باٹا پور پولیس کا کہنا ہے کہ دو موٹرسائیکل سوار مسلح افراد شہریوں سے لوٹ مار کر رہے تھے کہ اہلکاروں کے پہنچنے پرڈاکوؤں بھاگنے کی کوشش کی۔

پولیس کے مطابق تعاقب کرنے پر ملزمان نے اہلکاروں پر گولیاں چلادیں پولیس کی جوابی فائرنگ سےدونوں ڈکیت جائے وقوعہ پر ہی مارے گئے۔

دوسرے واقعے میں لاہور کے علاقے باغبانپورہ میں پولیس نے اپنے ہی ساتھیوں کی فائرنگ سے زخمی ہونے والا ڈاکو پکڑ لیا۔

پولیس کے مطابق زخمی ملزم سے اسلحہ اور چھینی گئی موٹرسائیکل برآمد کرلی گئی ہے، گرفتار ملزم 2ساتھیوں سمیت واردات کے بعد فرار ہورہا تھا۔

پولیس حکام نے وضاحت کی ہے کہ ہیلپ لائن 15 پر کال موصول ہونے کے بعد آنے والے اہلکاروں پر ملزمان نےفائرنگ کی۔

پولیس نے میڈیا کو بتایا کہ گرفتار ہونے والا زخمی ملزم سیف عرف سیفی ڈکیتی کی 22وارداتوں سمیت مختلف مقدمات میں مطلوب ہے۔

Comments

یہ بھی پڑھیں