منگل, جون 18, 2024
اشتہار

حج پر روانگی سے چند گھنٹے قبل ڈاکوؤں نے شہری کو گولی مار کر قتل کردیا

اشتہار

حیرت انگیز

لاہور: اقبال ٹاؤن میں حج پر روانگی سے چند گھنٹے قبل ڈاکوؤں نے گولی مار کر قتل کردیا۔

تفصیلات کے مطابق لاہور کے علاقے اقبال ٹاؤن میں ڈاکوؤں نے ڈکیتی مزاحمت پر باپ کو قتل کرکے بیٹے کو زخمی کردیا جس کا مقدمہ درج کرلیا گیا۔

ایف آئی آر کے مطابق پروفیسر شعیب گزشتہ روز مقامی ایکسچینج سے کرنسی نکال کر گھر آرہا تھا، گھر کے قریب پہنچتے ہی 2 ڈاکوؤں نے گن پوائنٹ پر روکا، ڈاکوؤں نے کرنسی چھینی اور مزاحمت پر فائرنگ کر دی۔

- Advertisement -

ایف آئی آر کے متن کے مطابق گھر میں موجود پروفیسر شعیب کے والد ڈاکوؤں کی فائرنگ سے جاں بحق ہوئے جبکہ پروفیسر شعیب ڈاکوؤں کی فائرنگ سے زخمی ہوگئے، ڈاکو 6500 ریال لوٹ کر فرار ہوگئے۔

پولیس نے بتایا کہ پروفیسر شعیب کی درخواست پر مقدمہ درج کیا گیا جس میں قتل، ڈکیتی و دیگر دفعات شامل ہیں، مقتول فاروق کو حج کی ادائیگی کے لیے آج سعودی عرب روانہ ہونا تھا جبکہ ان کا بیٹا شعیب شدید زخمی حالت میں اسپتال میں زیر علاج ہے۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں