لاہور: پولیس نے فیکٹری ایریا کے علاقے میں کارروائی کرتے ہوئے بھتہ خور سمیت 6 بکی گرفتار کرلیے،ملزمان کے قبضے سے اسلحہ اور ہزاروں روپے نقدی برآمد کرکے مقدمہ درج کرلیا گیا.
تفصیلات کے مطابق بھتہ خور آصف بٹ کی کچا کماہاں روڈ پر واقع غوثیہ پلازہ میں چھاپہ ماراگیا تو وہاں پر مطلوب ملزم کی نگرانی میں کرکٹ میچ پر جوا چل رہاتھا.
پولیس نے بھتہ خور آصف بٹ سمیت چھ افراد راحیل نیازی،منور حسین، محمد شاہد، آصف مسیح اور محمد اسحاق کو گرفتار کر لیا.
پولیس کےمطابق ملزم آصف بٹ قتل، اقدام قتل اور بھتہ خوری کی متعدد وارداتوں میں ملوث ہے اور ملزم نے پندرہ سے بیس لڑکوں کا گینگ بنارکھا ہےجو بغیر نمبر پلیٹ کی موٹرسائیکلوں پر وارداتیں کرتے ہیں.
پولیس کی جانب سے ملزمان کے قبضے سے موبائل فونز، ٹی وی اور ہزاروں روپے نقدی سمیت دوپستول برآمد کرکے مقدمہ درج کرلیا گیا.
