The news is by your side.

Advertisement

لاہور ٹیسٹ: پاکستان نے پہلی اننگز میں ایک وکٹ پر 90 رنز بنالیے

لاہور: پاکستان اور آسٹریلیا کے درمیان کھیلے جانے والے تیسرے ٹیسٹ کے دوسرے روز کھیل کے اختتام پر پاکستان نے ایک وکٹ کے نقصان پر 90 رنز بنالیے۔

تفصیلات کے مطابق لاہور ٹیسٹ کے دوسرے روز کھیل کے اختتام پر پاکستان نے ایک وکٹ کے نقصان پر 90 رنز بنالیے، قومی ٹیم کو آسٹریلیا کی برتری ختم کرنے کے لیے مزید 301 رنز درکار ہیں، اس سے قبل آسٹریلوی ٹیم اپنی پہلی اننگز میں 391 رنز بنا کر آؤٹ ہوئی تھی۔

عبداللہ شفیق 45 اور اظہر علی 30 رنز کے ساتھ کریز پر موجود ہیں، اوپنر امام الحق 11 رنز بنا کر پویلین لوٹ گئے۔

آسٹریلیا کی جانب سے کپتان پیٹ کمنز نے ایک وکٹ حاصل کی۔

اس سے قبل آسٹریلوی ٹیم اپنی پہلی اننگز میں 391 رنز بنا کر آؤٹ ہوئی تھی، عثمان خواجہ 91 رنز بناکر نمایاں رہے جب کہ چار کھلاڑیوں نے نصف سنچریاں بنائیں۔

پاکستان کی جانب سے فاسٹ‌ بولر نسیم شاہ اور شاہین شاہ آفریدی نے چار چار وکٹیں حاصل کی جب کہ نعمان علی اور ساجد خان ایک ایک آسٹریلوی کھلاڑی کو پویلین بھیجنے میں کامیاب ہوئے۔

واضح رہے کہ آسٹریلیا نے سیریز کے آخری ٹیسٹ کے دوسرے دن کے کھیل کا آغاز232 رنز 5 وکٹوں کے نقصان پر کیا تھا۔

Comments

یہ بھی پڑھیں