The news is by your side.

Advertisement

لاہور: شاہدرہ ٹاؤن میں خاتون قتل

لاہور: صوبہ پنجاب کے دارالحکومت لاہور میں‌ 24 سالہ خاتون کو قتل کر دیا گیا، پولیس قتل کی تحقیق کر رہی ہے۔

تفصیلات کے مطابق لاہور کے علاقے شاہدرہ ٹاؤن میں جاوید پارک کے قریب خاتون کو قتل کر دیا گیا، مقتولہ کی شناخت 24 سالہ نورین کے نام سے ہوئی ہے۔

پولیس حکام کے مطابق شوہر اور ساس کو تفتیش کے لیے حراست میں لے لیا گیا ہے۔

پولیس کا کہنا ہے کہ لاش پوسٹ مارٹم کے لیے اسپتال منتقل کر دی گئی ہے، قانونی کارروائی کے بعد لاش کو ورثا کے حوالے کیا جائے گا۔

‌راولپنڈی میں‌ بھائی نے بہن کو قتل کردیا

یاد رہے کہ گزشتہ روز راولپنڈی کے علاقے گلستان کالونی تھانہ سول لائنز کی حدود میں‌ بھائی نے طیش میں آکر 22 سالہ بہن کو قتل کر دیا تھا۔پولیس کے مطابق مقتولہ کائنات کی والدہ نے دوسری شادی کرلی تھی، بیٹی ماں‌ سے ملنے گئی تھی، بھائی نے غصے میں‌ آکر بہن کو قتل کیا۔

گجرات میں‌ غیرت کے نام پر لڑکا اور لڑکی قتل

اس سے قبل گزشتہ ماہ 18 جولائی کو گجرات کے تھانہ کنجاہ میں محبت کرنے کے الزام میں نوجوان کو بے دردی سے قتل کرکے نعش نہر میں بہا دی گئی جبکہ لڑکی کو پاگل قرار دے کر نہر میں پھینک دیا گیا تھا۔

Comments

یہ بھی پڑھیں