لاہور: پنجاب پولیس نے زمان پارک آنے والے تمام راستوں کو مکمل طور پر سیل کردیا ہے۔
تفصیلات کے مطابق پولیس کی بھاری نفری زمان پارک آنے والے راستوں پر تعینات کردی گئی ہے، کینال روڈ پربھی پولیس کی بھاری نفری تعینات کرتے ہوئے بیریئرزلگادیئےگئے ہیں۔
اسی طرح دھرمپورہ پل اورعلامہ اقبال روڈ پربھی پولیس کی بھاری نفری تعینات کرکے وہاں پولیس جوانوں کو تعینات کیا گیا ہے یہ پولیس جوان بلٹ پروف جیکٹس پہنے موبائل وین کے ہمراہ موجود ہیں۔
واضح رہے کہ حکومت نے زمان پارک میں مبینہ موجود دہشتگرد کی حوالگی کاالٹی میٹم دےرکھاہے،حکومت کی ڈیڈ لائن کل دن 12بجےاختتام پذیرہوگی۔
یہ بھی پڑھیں: جناح ہاؤس حملہ کیس : جیو فینسنگ میں 35 موبائل نمبرز ٹریک کرلیے گئے
ادھر پولیس نے جناح ہاؤس حملہ کیس میں جیو فینسنگ میں 35 موبائل نمبرز ٹریک کرلیےگئے ، موبائل نمبروں کی لوکیشنز جناح ہاؤس و دیگر حساس تنصیبات پر پائی گئیں۔
ذرائع نے بتایا تھا کہ تمام ملزمان کی پروفائنگ سوشل میڈیا اکاؤنٹس کے ذریعے شروع کی گئی، سیاسی جماعت سے تعلق ہونے سےمتعلق شواہد حاصل کرلئے گئے ہیں۔
