ہفتہ, مئی 18, 2024
اشتہار

لاہور قلندرز دوسری بار پی ایس ایل کا چیمپئن بن گیا، سلطانز کو شکست

اشتہار

حیرت انگیز

لاہور قلندرز نے مسلسل دوسری بار ملتان سلطانز کو شکست دے کر پی ایس ایل کی ٹرافی اپنے نام کرلی، شاہین آفریدی کو فائنل کا بہترین کھلاڑی قرار دیا گیا۔

لاہور میں کھیلے گئے فائئنل میچ میں لاہور قلندرز نے سنسنی خیز مقابلے کے بعد سلطانز کو ایک رن سے شکست دی، آخری گیند پر چار رنز درکار تھے لیکن سلطانز کی ٹیم دو رنز بناسکی۔

فاسٹ بولر زمان خان نے اپنے آخری اوور میں 13 رنز کا دفاع کرکے ٹیم کو کامیابی سے ہمکنار کروایا۔

- Advertisement -

جواب میں ملتان سلطانز نے ڈٹ کر مقابلہ کیا تاہم مقررہ اوورز میں 199 رنز بناسکی اور ایک رن سے شکست کھا گئی۔

ملتان کی جانب سے رلی روسو 52 ، رضوان 34 اور خوشدل شاہ 25 رنز بناکر نمایاں رہے۔


لاہور قلندرز کے کپتان شاہین شاہ آفریدی نے چار کھلاڑیوں کو پویلین کی راہ دکھائی۔راشد خان نے دو جبکہ ڈیوڈ ویسا نے ایک وکٹ حاصل کی۔

اس سے قبل لاہور قلندرز نے پہلے بیٹنگ کرتے ہوئے مقررہ اوورز میں 6 وکٹوں کے نقصان پر 200 رنز بنائے اور ملتان سلطانز کو جیت کے لیے 201 رنز کا ہدف دیا تھا۔

اوپنر مرزا بیگ نے 35 رنز کی اننگز کھیلی جبکہ فخر زمان 39 رنز بنا کر اسامہ میر کا نشانہ بنے۔

سیم بلنگز 9 رنز بنا کر پویلین لوٹ گئے، سکندر رضا بھی ایک رن کے مہمان ثابت ہوئے جبکہ احسن حفیظ بغیر کوئی رن بنائے پویلین لوٹ گئے۔

عبداللہ شفیق نے 65 رنز کی ذمہ دارانہ اننگز کھیلی جبکہ کپتان شاہین آفریدی 44 رنز کے ساتھ نمایاں رہے۔

ملتان سلطانز کی جانب سے اسامہ میر نے تین کھلاڑیوں کو پویلین کی راہ دکھائی، احسان اللہ اور خوشدل شاہ ایک، ایک وکٹ حاصل کرسکے۔

اس سے قبل لاہور قلندرز کے کپتان شاہین آفریدی نے ٹاس جیت کر محمد رضوان الیون کو پہلے بیٹنگ کی دعوت دی تھی۔

دفاعی چیمپئن لاہور قلندرز نے پلیئنگ الیون برقرار رکھی ہے۔

لاہور قلندرز کی ٹیم میں فخر زمان، شاہین آفیدی، ڈیوڈ ویسا، عبداللہ شفیق، سکندر رضا، طاہر بیگ، احسن بھٹی، حارث رؤف، زمان خان، سیم بلنگز اور راشد خان شامل ہیں۔

ملتان سلطانز کی ٹیم میں بھی کوئی تبدیلی نہیں کی گئی ہے۔


واضح رہے کہ لاہور قلندرز اعزاز کا دفاع کررہی ہے پی ایس ایل 7 میں قلندرز نے ملتان سلطانز کو شکست دے کر ٹرافی اپنے نام کی تھی۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں