پیر, فروری 17, 2025
اشتہار

کراچی : اغواء ہوئے نو ماہ گزر گئے، پولیس بچہ بازیاب کرانے میں ناکام

اشتہار

حیرت انگیز

کراچی : لانڈھی سے نو ماہ قبل اغواء ہونے والے بچے کو تاحال بازیاب نہیں کروایا جا سکا، پولیس نے اس واقعے کو سنجیدگی سے نہیں لیا۔

تفصیلات کے مطابق لانڈھی کا رہائشی آٹھ سالہ عمر اب تک بازیاب نہ ہو پایا، مغوی کے اہل خانہ کا کہنا ہے کہ عمر گھر کے قریب ٹیوشن پڑھنے گیا تھا جس کے بعد سے عمر کا کچھ پتہ نہیں چلا۔

ان کا کہنا تھا کہ عید سے قبل بچے کی رہائی کے لیے تاوان کی پرچی بھیجی گئی تھی، نامعلوم اغواء کاروں نے 20 لاکھ روپے کا مطالبہ کیا تھا، پرچی میں ایک نمبر درج تھا جس میں فوری طور پر ڈیڑھ لاکھ روپے ایزی پیسہ کرنے کا کہا گیا تھا۔

انہوں نے کہا کہ لانڈھی تھانے میں واقعے کا مقدمہ درج کروایا لیکن پولیس بچے کی بازیابی کے لیے بالکل بھی کوشش نہیں کر رہی، ایسا لگ رہا ہے کہ پولیس بچے کی بازیابی کے لیے سنجیدہ نہیں ہے۔

اہم ترین

سلمان لودھی
سلمان لودھی
سلمان لودھی اے آر وائی نیوز کراچی کے کرائم رپورٹر ہیں۔

مزید خبریں