لاہور: صوبہ پنجاب کے شہر میلسی میں مٹی کا تودہ گرنے سے 3 مزدور ملبے تلے دب گئے جن کی لاشیں 15 گھنٹے بعد نکالی جاسکیں۔
تفصیلات کے مطابق جنوبی پنجاب کے شہر میلسی میں مٹی کا تودہ گرنے سے 3 مزدور ملبے تلے دب گئے۔
واقعے کے 15 گھنٹے گزرنے کے بعد بھی امدادی کارروائیاں جاری رہیں اور مزدوروں کو نہیں نکالا جاسکا، تینوں مزدور دم گھٹنے سے اندر ہی دم توڑ گئے۔
ریسکیو حکام کا کہنا ہے کہ ہیوی مشینری کے ذریعے کھدائی مشکل ہو گئی تھی، ریسکیو ٹیم نے مینز پاورز سے 40 فٹ تک کھدائی کی اور بعد ازاں لاشوں کو باہر نکالا۔
ذرائع کا کہنا ہے کہ ملبے تلے دبنے والے تینوں مزدور کم عمر اور ایک ہی خاندان سے ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں