ملتان: معروف برانڈز کے نام سے جعلی مشروبات تیارکرنے والا یونٹ پکڑا گیا، جہاں سے 300لیٹر تیار جعلی مشروبات ضبط کرلئے گئے ہیں۔
تفصیلات کے مطابق پنجاب فوڈاتھارٹی نے رمضان المبارک میں جعلی مشروبات کی بڑی سپلائی ناکام بناتے ہوئے غلہ منڈی میں معروف برانڈز کے نام سے جعلی مشروبات تیارکرنےوالا یونٹ پکڑ لیا۔
فوڈاتھارٹی کا کہنا ہے کہ 500 لیٹر مضر صحت سیرپ تلف کردیا گیا اور 300 لیٹر تیار جعلی مشروبات ضبط کرلیا ہے۔
کارروائی کے دوران جعلی ڈرنکس سپلائی کرنے والا لوڈر رکشہ بھی ضبط کرلیا ہے ، بیوریجزپلانٹ کے مالک کے خلاف تھانہ ممتازآباد میں ایف آئی آردرج کرلی ہے۔
ترجمان نے بتایا کہ کارروائی محلہ جوگ مائع گلی باردانےوالی میں کی گئی، جہاں کھلے اجزا سے تیار سیرپ سے ہزاروں لیٹر جعلی مشروبات تیارکی جانی تھیں۔
ترجمان پنجاب فوڈاتھارٹی کا کہنا ہے کہ معروف برانڈزکاپیکنگ اورلیبلنگ مٹیریل بھی ضبط کرلی گئی ہے۔
