The news is by your side.

Advertisement

کتے کے کاٹنے سے زخمی 6 سالہ حسنین زندگی کی بازی ہار گیا

کراچی : لاڑکانہ میں کتے کے کاٹے سے شدید زخمی 6سالہ حسنین جان کی بازی ہار گیا، وہ کراچی کےاسپتال این آئی سی ایچ میں زیرعلاج تھا ، ڈاکٹرز کا کہنا ہے کہ انفیکشن بڑھنےکی وجہ سے حسنین صحتیاب نہ ہوسکا۔

تفصیلات کے مطابق لاڑکانہ میں کتے کے کاٹے سے شدید زخمی 6سالہ حسنین انتقال کرگیا ، ڈائریکٹر این آئی سی ایچ کا کہنا ہے حسنین کی میت ورثاء کے حوالے کر دی گئی ہے، حسنین کی متعدد سرجریزبھی کی گئی تھیں لیکن انفیکشن بڑھنےکی وجہ سے حسنین صحتیاب نہ ہوسکا۔

خیال رہے 6 سالہ حسنین کراچی کےاسپتال این آئی سی ایچ میں زیر علاج تھا۔

وزیراعلیٰ سندھ نے لاڑکانہ کے 6 سال کے حسنین کے انتقال پر اظہار افسوس کرتے ہوئے کہا ہم نے ہر طرح سے کوشش کی کہ بچے کی جان بچائی جائے ، اللہ پاک والدین کو صبرعطا فرمائے۔

یاد رہے کہ 14 نومبر کو پیپلز پارٹی کے آبائی شہر لاڑکانہ میں سگ گزیدگی کا ہولناک واقعہ پیش آیا تھا، جہاں چھ سال کاحسنین اپنے کھیتوں کی طرف جارہاتھاکہ راستےمیں چھ سےسات کتوں نےحملہ کردیا، حملے سے حسنین کے ناک اور سر کے پچھلے حصے پر گہرے زخم آئے تھے۔

مزید پڑھیں : حسنین کی زندگی بچانے کے لیے ماہر ڈاکٹرز پر مشتمل بورڈ تشکیل

بچے کو لاڑکانہ کے چانڈکا میڈیکل اسپتال لے جایا گیا تاہم ڈاکٹرز نے اس کی حالت دیکھ کر ہاتھ کھڑے کردیے اور صرف طبی امداد دے کر فارغ کردیا، بچے کو کراچی لایا گیا، انڈس اسپتال میں ابتدائی طبی امداد دے کرسول اسپتال بھیجاگیا، سول اسپتال کے کیس لینے سے انکار کے بعد نیشنل انسٹیٹیوٹ آف چائلڈ ہیلتھ (این آئی سی ایچ) منتقل کیا گیا۔

حسنین کے علاج کے لیے میڈیکل بورڈ تشکیل دیا گیا تھا، 10 رکنی میڈیکل بورڈ نے طبی معائنہ کیا، حسنین کی حالت سنبھلنے لگی تھی اور ڈاکٹروں نے چھ سالہ حسنین کو وینٹی لیٹر سے ہٹا دیا ہے، اور نالی کے ذریعے خوراک دی جانے لگی تھی۔

ترجمان حکومت سندھ کا کہنا تھا کہ ضرورت پڑی تو بچے کو بیرون ملک بھی علاج کے لیے سہولتیں فراہم کی جائیں گی۔

Comments

comments

یہ بھی پڑھیں