کراچی: ڈاؤ یونیورسٹی آف ہیلتھ سائنسز کے ترجمان نے کہا ہے کہ ایم ڈی کیٹ کا پرچہ لیک ہونا ممکن نہیں ہے۔
تفصیلات کے مطابق کراچی میں مبینہ طور پر ایم ڈی کیٹ کا پرچہ قبل از وقت سوشل میڈیا پر لیک ہو گیا ہے، یہ پرچہ طلبہ کے درمیان گردش کر رہا ہے، تاہم ترجمان ڈاؤیونیورسٹی آف ہیلتھ سائنسز نے خبردار کیا ہے کہ ایم ڈی کیٹ کا سوشل میڈیا پر موجود پرچہ جعلی ہے۔
دوسری طرف کراچی میں ایم ڈی کیٹ ٹیسٹ میں بدنظمی دیکھنے کو مل رہی ہے، جس پر والدین نے انتظامیہ پر شدید برہمی کا اظہار کیا ہے، ٹیسٹ کے لیے آنے والی طالبات کے لیے امتحانی مراکز میں جانا وبال جان بنا رہا، ایک طالب علم نے گیٹ پر چڑھ کر امتحانی مرکز میں جانے کی کوشش کی۔
- Advertisement -
ملک بھر کے میڈیکل کالجز میں داخلے کے لیے ایم ڈی کیٹ کا انعقاد
ایم ڈی کیٹ 2024 کا امتحان شروع ہونے سے قبل این ای ڈی یونیورسٹی کے باہر طلبہ کی طویل قطاریں لگ گئیں، والدین بھی موجود رہے۔
