بھارتی ٹیم کے سابق ہیڈ کوچ راہول ڈریوڈ انجری کا شکار ہوکر بیساکھیوں پر آگئے۔
بھارتی میڈیا رپورٹس کے مطابق انڈین پریمئیر لیگ (آئی پی ایل) کے 18ویں ایڈیشن میں راجستھان رائلز کے ہیڈ کوچ راہول ڈریوڈ انجری کا شکار ہونے کے باوجود فرنچائز ٹیم کے ٹریننگ کیمپ پہنچ گئے۔
سابق کرکٹر بیساکھیوں کے سہارے ٹریننگ سیشن کے میں شریک ہوئے اور کرکٹرز کو تربیت بھی دی۔
بھارتی میڈیا کے مطابق انڈین پریمئیر لیگ (آئی پی ایل) 2025 کا آغاز 22 مارچ سے ہو رہا ہے جس کے لیے تمام ٹیموں نے اپنی تیاری شروع کردی ہے۔
واضح رہے کہ بنگلورو میں ایک کلب میچ کے دوران راہول ڈریوڈ کی بائیں ٹانگ میں انجری ہوئی تھی تاہم اب وہ بہتری کی جانب گامزن ہیں۔
سوشل میڈیا پر راہول ڈریوڈ کی تصویر سامنے آنے کے بعد مداح ان کے لیے دعاگو ہیں اور ان کے جذبے اور ہمت کو سراہا جا رہا ہے۔
