ہریانہ : بھارت میں پولیس اور محکمہ جنگلات کے اہلکاروں پر خونخوار تیندوے نے حملہ کرکے زخمی کردیا، حملے کی ویڈیو سوشل میڈیا پر وائرل ہوگئی۔
تفصیلات کے مطابق بھارتی ریاست ہریانہ کے علاقے پانی پت میں ایک زخمی تیندوے نے پولیس اہلکاروں اور محکمہ جنگلات کے عملے پر حملہ کردیا۔
پانی پت کی ضلع پولیس کی جانب سے سوشل میڈیا پر شیئر کی گئی ویڈیو میں دیکھا جاسکتا ہے کہ پولیس اور محکمہ جنگلات کے اہلکار بہرام پور گاؤں میں آنے والے تیندوے کو قابو کرنے کی کوشش کرہے ہیں۔
Tough day at work for people from police and forest dept.. A couple of them suffered injuries..Salute to their bravery and courage..In the end, everyone is safe..Including the leopard.. pic.twitter.com/wbP9UqBOsF
— Shashank Kumar Sawan (@shashanksawan) May 8, 2022
اسی دوران زخمی تیندوا پہلے ایک اہلکار پر حملہ آور ہوتا ہے اور پھر دوسرے اہلکار کو پکڑلیتا ہے اسی افرا تفری میں ایک اور اہلکار اس پر لاٹھی سے زور دار حملہ کرتا ہے جس سے وہ دور جاکر گرتا ہے۔
غیر ملکی خبر رساں ادارے کی رپورٹ میں بتایا گیا ہے کہ بعد ازاں اہلکاروں نے صورتحال پر قابو پالیا اور جانور کو پرسکون کردیا۔
واقعے میں تین اہلکار زخمی ہوئے جنہیں فوری طبی امداد کیلئے قریبی اسپتال منتقل کیا گیا جہاں ان کی حالت خطرے سے باہر بتائی جارہی ہے۔ متعلقہ ایس پی نے زخمی اہلکاروں کی بہادری کو سراہا۔
