اسلام آباد : یوٹیلیٹی اسٹورزکو دی جانے والی سبسڈی پر ایک اعشاریہ دو پانچ فیصد ٹرن اوور ٹیکس عائد کردیا گیا۔
تفصیلات کے مطابق یوٹیلیٹی اسٹورزکو دی جانے والی سبسڈی پر ٹرن اوور ٹیکس عائد کردیا گیا ہے۔
ذرائع نے بتایا کہ رواں مالی سال یوٹیلیٹی اسٹورز کی سبسڈی پر ایک اعشاریہ دو پانچ فیصدٹیکس عائد ہوگا، رواں مالی سال ایف بی آر کو مجموعی طورپر ساٹھ ارب کی سبسڈی دی جائے گی ، جس پرتقریباً ایک ارب ٹیکس وصول کیا جائے گا۔
ذرائع کا کہنا تھا کہ یوٹیلیٹی اسٹورزکودی گئی سبسڈی کو آمدن سمجھ کر ٹیکس لگایاگیا ہے۔
ایف بی آر نے گذشتہ مالی سال یوٹیلیٹی اسٹورز کے اکاؤنٹ اٹیچ کرکے چار ارب روپے نکالے تھے۔
ذرائع نے کہا کہ ایف بی آر اور یوٹیلیٹی اسٹورز کے درمیان سبسڈی پر ٹیکس کا تنازع ہے، سبسڈی پرٹیکس عائد کرنے کیلئے رواں مالی سال فنانس بل کاحصہ بنا دیا گیا ہے۔
ذرائع کے مطابق نقصان میں چلنے والی کمپنیوں کی آمدن پر ایک اعشاریہ دو پانچ فیصد ٹرن اوورٹیکس عائد ہے۔
