لاہور : کم عمر لڑکیوں کا نکاح رجسٹر کرنے کے حوالے سے عدالت کا اہم فیصلہ سامنے آگیا۔
تفصیلات کے مطابق لاہور ہائی کورٹ میں عظمت بی بی کی 14 سالہ بیٹی کی بازیابی کیلئے درخواست ہوئی۔
جسٹس انوار الحق نے عظمت بی بی کی درخواست پرفیصلہ سنایا، جس میں کہا گیا کہ ہائیکورٹ نے کمسن بچوں کی شادی روکنے سے متعلق واضح احکامات جاری کررکھے ہیں۔
عدالت کا کہنا تھا کہ نکاح کےوقت رجسٹرار ،نکاح خواں،گواہوں کےپاس دلہن کی عمر کے دستاویزات ضروری ہیں ، عدالتی حکم کے باوجود کمسن بچوں کی شادیاں جاری ہیں
عدالتی فیصلے میں کہا گیا کہ بظاہرنکاح رجسٹرار اور نکاح خواں عدالتی ہدایات کی پیروی نہیں کر رہے ، متعلقہ ادارے ایسے نکاح رجسٹرار اور نکاح خواں کیخلاف سخت کارروائی کریں۔
لاہور ہائیکورٹ نے کم عمرلڑکیوں کا نکاح رجسٹرکرنے پر نکاح رجسٹرار کیخلاف کارروائی کا حکم دے دیا۔