لاہور: لاہور ہائیکورٹ نے بانی پی ٹی آئی اور شَاہ محمود قریشی سمیت دیگر کیخلاف 9 مئی کے مقدمات منتقل کرنے کی 11 درخواستیں مَسترد کر دیں۔
تفصیلات کے مطابق لاہور ہائی کورٹ میں بانی پی ٹی آئی، شاہ محمود قریشی و دیگر کیخلاف 9 مئی کے مقدمات کی سماعت ہوئی.
چیف جسٹس لاہور ہائیکورٹ جسٹس ملک شہزاد احمد خاں نے پراسیکیوشن کی درخواست پر فیصلہ سنایا، عدالت نے ہر مقدمات کی منتقلی درخواستیں مسترد کر دیں۔
عدالت نے ہر درخواست پر دو لاکھ روپے جرمانہ کر دیا اور درخواستیں واپس لینے کی پراسیکیوٹر جنرل کی استدعا مسترد کر دی۔
عدالت نے ریمارکس دیئے کہ مدعی بھی آپ پولیس بھی آپ پھر بھی انصاف کی توقع نہیں، اگر جیل میں بھی خطرہ ہیں تو آسمان پر جاکر بسیرا کرلیں۔
عدالت کا کہنا تھا کہ پنڈی عدالت کے جج سے وجہ ہوچھی تو وہاں بھی سائلین کو عدالت میں نہیں جانے دیا گیا، عدالت نے ناراضگی کا اظہار کیا کہ جس فریق کا جی چاہے وہ ٹرانسفر کی درخواست دے کر سماعت رکوا دے۔
چیف جسٹس نے ریمارکس دیئے کہ لاہورہائیکورٹ اور اسلام آباد ہائیکورٹ کے ججوں پر اعتماد نہیں کیا چاہتے ہیں۔
عدالت نے قرار دیا کہ جن لوگوں نے آئین اور قانون کی عملداری یقینی بنانا ہے وہی سب کچھ کررہے ہیں۔
حکومتی درخواست میں کہا گیا کہ انسداد دہشت گردی عدالت نمبر ایک راولپنڈی کے جج سے انصاف کی توقع ہے اس وجہ سے کیسز کسی دوسری عدالت میں منتقل کر دیے جائے۔
