The news is by your side.

Advertisement

محکمہ موسمیات نے اتوار سے کراچی میں ہلکی بارش کی پیش گوئی کردی

کراچی : شہر قائد والوں کے لئے خوشخبری، محکمہ موسمیات نے بارش کی نوید سنا دی، بارش کا سلسلہ 14 سے 16 اپریل تک جاری رہنے کا امکان ہے، جس کے باعث گرمی بھی کچھ کم ہوجائے گی۔

تفصیلات کے مطابق محکمہ موسمیات نے اتوار سے کراچی میں ہلکی بارش کی پیش گوئی کردی اور کہا بارش کا سلسلہ 14 سے 16 اپریل تک جاری رہنے کا امکان ہے جس کے باعث گرمی بھی کچھ کم ہوجائے گی۔

دوسری جانب محکمہ موسمیات کا کہنا ہے کہ آج ایران سے آنے والا سسٹم ملک بھرمیں خوب برسے گا جبکہ کراچی سمیت سندھ بھرمیں شدید گرمی رہے گی۔

بالائی اورپہاڑی علاقوں میں برفباری اورکچھ علاقوں میں ژالہ باری کی توقع ہے اور کوئٹہ، ژوب، ملتان، گوجرانوالہ، فیصل آباد، لاہور، راولپنڈی ڈویژن، پشاور، کشمیراورگلگت میں تیزہواؤں اورگرج چمک کیساتھ بارش کا امکان ہے۔

گزشتہ روز سب سے زیادہ درجہ حرارت مٹھی میں چوالیس ڈگری سینٹی گریڈ ریکارڈ کیا گیا۔

خیال رہے جمعرات سےملک بھرمیں لوکل ڈولپمینٹ ایکٹوٹی شروع ہورہی ہے اورمغربی سسٹم ملک میں داخل ہونے اورانڈیا کے علاقےراجستھان میں پری مون سون ایکٹیوٹی اور درجہ حرارت بڑھنےسے شدید موسمی حالات پیدا ہونے کا خدشہ ہے۔

جمعرات سے آنے والے ایک ہفتے تک ملک کے مختلف علاقوں میں شدید آندھیاں کہیں تیزبارش توکہیں ژالہ باری کا امکان

پاکستان بھرمیں خصوصاً پنجاب، خیبرپختونخوا اوربلوچستان سمیت سندھ بھرمیں شدید قسم کی آندھیاں، کہیں شدید بارشیں، کہیں شدید گرج چمک تو کہیں ژالہ باری ہونے سے نقصانات کا اندیشہ ہے۔

جمعرات سے آنے والے ایک ہفتے تک ملک کے مختلف علاقوں کے ساتھ سندھ بھرمیں بھی شدید آندھیاں کہیں تیزبارش توکہیں ژالہ باری کا امکان ہے، جس میں سکھر، لاڑکانہ، شھید بینظیرآباد، میرپورخاص، حیدرآباد اورکراچی ڈویژن شامل ہیں۔

ان ڈویژن میں کہیں بھی کسی بھی وقت لوکل ڈولپمینٹ رین ایکٹوٹی بن سکتی ہے اوربارشوں کے ساتھ ساتھ شدید قسم کے طوفان اورگرج چمک اور کہیں کہیں ژالہ باری بھی ہوسکتی ہے، تھرپارکرمیں بھی بارشوں کے امکانات رہیں گے۔

توقع ہے کہ یہ موسمی حالات ایک ہفتے تک رہ سکتے ہیں۔

Comments

comments

یہ بھی پڑھیں