The news is by your side.

Advertisement

گزشتہ سال کی طرح سب سے بڑی شجرکاری کی مہم جہلم میں ہوگی،فواد چوہدری

کراچی: وفاقی وزیر برائے سائنس اینڈ ٹیکنالوجی فواد چوہدری نے کا کہنا ہے کہ گزشتہ سال کی طرح سب سے بڑی شجرکاری کی مہم جہلم میں ہوگی۔

تفصیلات کے مطابق سماجی رابطے کی ویب سائٹ ٹویٹر پر وفاقی وزیر فواد چوہدری نے اپنے پیغام میں کہا کہ 2019 کی طرح سب سے بڑی شجرکاری کی مہم جہلم میں ہوگی۔

فواد چوہدری کا کہنا تھا کہ سیکڑوں کنال اراضی قبضہ مافیا سے واگزا کرا کر اس پر جنگل لگایا گیا ہے،بجوالہ جنگل سمیت ضلع بھر میں 4 لاکھ67 ہزار پودے لگائے جائیں گے۔

وفاقی وزیر برائے سائنس اینڈ ٹیکنالوجی نے کہا کہ پلانٹ فار پاکستان مہم کے تحت جہلم میں شجرکاری کی نئی تاریخ رقم ہوگی،وطن عزیز کو سرسبز و شاداب بنانے کے لیے شہری مہم کو کامیاب بنائیں۔

واضح رہے کہ وفاقی حکومت کے اعلان کے مطابق ملک میں آج شجرکاری مہم کا افتتاح کیا گیا جس کے تحت ملک بھر میں 5 برسوں میں 10 ارب پودے لگانے کا وعدہ پورا کرنے کا عزم بھی ظاہر دہرایا گیا ہے۔

Comments

یہ بھی پڑھیں