The news is by your side.

Advertisement

سعودی عرب میں لیموزین گاڑیوں کو ہوم ڈیلیوری کی اجازت مل گئی

ریاض: سعودی عرب میں کرونا وائرس لاک ڈاؤن کے دوران لیموزین گاڑیوں کو ہوم ڈیلیوری کی اجازت دینے کا شاہی فرمان جاری کردیا گیا۔

عرب میڈیا کے مطابق سعودی وزیر ٹرانسپورٹ انجینئر صالح بن ناصر الجاسر نے کہا ہے کہ الیموزین گاڑیوں کو ہوم ڈیلیوری کی اجازت دینے پر سعودی فرمانروا شاہ سلمان اور ولی عہد، وزیر دفاع شہزادہ محمد بن سلمان کا شکریہ ادا کرتے ہیں۔

انہوں نے کہا ہے کہ ’اب لیموزین گاڑیاں ان شہروں میں جہاں مکمل کرفیو نہیں ہے، گھر سے نکلنے کے لیے اجازت کے اوقات میں ہوم ڈلیوری کا کام کر سکتی ہیں۔‘

انہوں نے کہا ہے کہ ’فیصلے پر عملدر آمد کے لیے ماہرین کی ٹیم نے سلامتی اور صحت کے کئی ضوابط کو مد نظر رکھتے ہوئے متعدد شرائط طے کیے ہیں۔‘

صالح بن ناصر الجاسر کے مطابق ٹرانسپورٹ اتھارتی جلد ہی ان ضوابط کا اعلان کردے گی۔

ان کا کہنا تھا کہ لیموزین ڈرائیور ہوم ڈیلیوری کی متعدد ایپلی کیشنز کے تحت کام کریں گے جنہیں طے شدہ ضوابط کی پابندی کرنا ہوگی جن کا بعدازاں اعلان کردیا جائے گا۔

وزیر ٹرانسپورٹ کے مطابق لیموزین کو کام کرنے کی شاہی اجازت ان فیصلوں میں شمار ہے جن میں کرونا وائرس سے متاثر ہونے والے جی شعبوں کی مدد کا اعلان کیا گیا تھا۔

Comments

یہ بھی پڑھیں