site
stats
پاکستان

لائن آف کنٹرول : بھارتی فوج کی فائرنگ سے ایک شہری زخمی

firing

راولاکوٹ : بھارتی فوج نے لائن آف کنٹرول کے بٹل سیکٹر پر بلااشتعال فائرنگ کی جس کے نتیجے میں ایک شہری شدید زخمی ہوگیا، پاک فوج نے دشمن کی جارحیت کا منہ توڑ جواب دیا۔

پاک فوج کے تعلقات عامہ کے شعبے (آئی ایس پی آر) کے مطابق بھارتی فوج کی جانب سے کنٹرول لائن کی خلاف ورزی کا سلسلہ جاری ہے، لائن آف کنٹرول راولاکوٹ کے بٹل سیکٹر پر بھارتی فوج نے اپنی بربریت کا مظاہرہ کرتے ہوئے شہری آبادی پر فائرنگ کردی۔

بلااشتعال فائرنگ کے نتیجے میں ایک شہری شدید زخمی ہوگیا جسے ابتدائی طبی امداد کیلئے قریبی اسپتال منتقل کیا گیا جہاں اس کی حالت تشویشناک بتائی جارہی ہے۔


مزید پڑھیں: ایل او سی پر بھارتی فوج کی فائرنگ، ایک شہید، 5 شہری زخمی


پاک فوج نے دشمن کی جارحیت کا بھرپور جواب دیتے ہوئے اس کے مورچوں کو نشانہ بنایا، جس کے بعد بھارتی توپیں خاموش ہوگئیں۔


مزید پڑھیں:ایل او سی پر فائرنگ، 2 بچے شہید، 3 بھارتی فوجی ہلاک


 ،پاک فوج کی جوابی کارروائی سے بھارتی فوج کو بھاری نقصان پہنچنے کی اطلاعات موصول ہورہی ہیں۔ یاد رہے کہ کہ اس سے قبل بھی راولاکوٹ میں لائن آف کنٹرول پر بھارتی فوج کی جانب سے چری کوٹ سیکٹر میں آبادی پر کی جانے والی فائرنگ اور گولہ باری کے نتیجے میں2 بچے شہید ہوگئے تھے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top