The news is by your side.

Advertisement

شیروں کو اکیلی بھینس پر حملہ کرنا مہنگا پڑگیا، منہ کی کھانا پڑی، ویڈیو وائرل

جنگل کا بادشاہ کہلانے والا شیر کبھی کبھی اپنے ارادوں میں ناکام بھی ہوجاتا ہے اور اسے باجود اپنی طاقت اور گھمنڈ کے بری طرح پسپائی اختیار کرنا پڑتی ہے۔

کہتے ہیں کہ اتحاد میں برکت ہے اسی اتحاد کی بدولت ایک بھینسا شیروں کے جُھند سے اپنی جان بچانے میں کامیاب رہا اور شیروں کو منہ کی کھانا پڑی۔

بھینسوں کو شیروں کا پسندیدہ اور مرغوب شکار سمجھا جاتا ہے اس کی بڑی اور اہم وجہ یہ بھی ہے کہ بھینس جسم اور وزن کے اعتبار سے بڑا جانور ہے۔

ایسے جانوروں میں بہت زیادہ گوشت ہوتا ہے لہٰذا اگر شیر بھینس کا شکار کرنے میں کامیاب ہوجائے تو اسے تقریباً پانچ دن تک شکار کرنے کی ضرورت نہیں رہتی۔

سوشل میڈیا پر اسی صورتحال پر مبنی ایک ویڈیو وائرل ہورہی ہے جس میں دکھایا گیا ہے کہ شیرنی دیگر شیروں کے ساتھ ایک کمزور بھینس پر حملہ آور ہوتی ہے یہ بھینس اپنے ریوڑ سے کچھ فاصلے پر تھی۔

شیرنیوں نے بھینس کو پکڑ تو لیا لیکن وہ اسے قابو پانے میں کامیاب نہ ہوسکیں کیونکہ شیرنی کے لیے بھینس کو مار کر کھانا آسان نہیں ہے۔

ویڈیو کلپ میں دکھایا گیا ہے کہ بڑی تعداد میں شیراور شیرنیاں بھینس کو گھیرے ہوئے ہیں اور ان میں سے دو اس پر چھلانگ لگاتے ہیں اور اور اپنے نوکیلے اور تیز دانت اس کی پشت پر گاڑ دیتے ہیں۔

یہ خوفناک منظر دیکھ کر لگتا ہے کہ اب یہ بھینس کسی صورت بچ نہیں پائے گی اور ایسا محسوس ہوتا ہے کہ بھینس کا کھیل ختم ہوگیا اور یہ بھوکے شیروں کا نوالہ بن جائے گی۔

اچانک صورتحال بدلتی ہے اور اور دیکھنے والے دیکھتے رہ جاتے ہیں کہ یکدم سارا منظر تبدیل ہوگیا، بھینسوں کا ایک ریوڑ شیروں پر حملہ آور ہوتا ہے اور جس سے شیروں کے پاؤں اکھڑ جاتے ہیں اور وہ بھاگ کر اپنی جان بچانے میں ہی عافیت سمجھتے ہیں۔

Comments

یہ بھی پڑھیں