بھارت کے شہر حیدر آباد میں مشہور ریسٹورنٹ سے آرڈر کی گئی چکن بریانی سے مردہ چھپکلی نکل آئی جس کی ویڈیوز نے سب کو حیران کر دیا۔
میڈیا رپورٹس کے مطابق وشوا آدتیہ نامی سوشل میڈیا صارف نے حیدر آباد کے مشہور ریسٹورنٹ سے بریانی آرڈر کی لیکن انہیں انتہائی بُرے تجربے کا سامنا کرنا پڑا۔
وشوا آدتیہ کے مطابق چکن بریانی سے مردہ چھپکلی برآمد ہوئی جس کے بعد ریسٹورنٹ کو شکایت کی لیکن ہماری شکایت کو نظر انداز کر دیا گیا۔
متعلقہ: کیا شاہ رخ خان کے عالی شان گھر میں چھپکلیاں ہیں؟
بعدازاں، انہوں نے مجبوراً ویڈیو بنا کر سوشل میڈیا پر اپلوڈ کی جو دیکھتے ہی دیکھتے وائرل ہوگئی اور لوگوں نے مشہور ریسٹورنٹ پر سخت تنقید کی۔
హైదరాబాద్ ఆర్టీసీ క్రాస్ రోడ్ లోనీ బావర్చి హోటల్లో చికెన్ బిర్యానిలో ప్రత్యక్షమైన బల్లి
అంబర్పేట డిడి కాలనీ కి చెందిన విశ్వ ఆదిత్య ఆన్లైన్లో జొమాటోలో చికెన్ బిర్యానికి ఆర్డర్
జొమోటో బాయ్ తీసుకువచ్చిన చికెన్ బిర్యానిలో బల్లి వచ్చిందని కుటుంబ సభ్యుల ఆరోపణ
బావర్చి యాజమాన్యం… pic.twitter.com/5h0x1fltiQ
— Telugu Scribe (@TeluguScribe) December 2, 2023
یہ کوئی پہلا واقعہ نہیں بلکہ بھارت میں اس طرح کے متعدد واقعات رپورٹ ہو چکے ہیں۔ حال ہی میں ریاست اتر پردیش میں ایک باپ اور اس کی بیٹی سموسے کے ساتھ غلطی سے چھپکلی بھی چبا کر کھا گئے تھے۔
ضلع ہاپوڑ کے رہائشی منوج کمار نے بتایا تھا کہ میں نے اپنے بیٹے کو بازار سے سموسے خرید کر لانے کو کہا، لیکن انہیں کھاتے ہوئے ہمیں انتہائی خوفناک تجربے کا سامنا کرنا پڑا۔
انہوں نے بتایا تھا کہ میں ایک سموسہ مکمل طور پر کھا چکا تھا، جب میری بیٹی آدھا سموسہ کھا چکی تو اس نے دیکھا کہ اندر مری ہوئی چھپکلی موجود ہے، تھوڑی ہی دیر بعد ہم دونوں کی طبیعت خراب ہونے لگی اور ہم فوراً اسپتال بھاگے۔
بعدازاں، متاثرہ شہری نے سموسے والے کی دکان پر جا کر ہنگامہ برپا کیا تھا۔ منوج کمار نے پولیس اور فوڈ ڈپارٹمنٹ کو طلب کیا لیکن دکان دار کے خلاف کوئی کارروائی نہیں کی گئی تھی۔
