spot_img

تازہ ترین

سندھ اسمبلی کا اسپیکر، ڈپٹی اسپیکر کون؟ فیصلہ آج ہوگا

سندھ اسمبلی میں اسپیکر اور ڈپٹی اسپیکر کا انتخاب...

بیرسٹر گوہر اور شیر افضل مروت میں صلح ہوگئی

لاہور: پی ٹی آئی کے چیئرمین بیرسٹر گوہر اور...

ملک کے 14ویں صدر کا انتخاب کب ہوگا؟ تاریخ کا اعلان ہوگیا

اسلام آباد : ملک میں نئے صدر مملکت کا...

سندھ اسمبلی کے نو منتخب ارکان نے حلف اٹھالیا

کراچی : سندھ اسمبلی کے 148 نو منتخب ارکان...

مسلم لیگ ن 108 ارکان کے ساتھ قومی اسمبلی کی بڑی جماعت بن گئی

اسلام آباد : مسلم لیگ ن108 ارکان کے ساتھ...

ملک بھر میں علانیہ اور غیر علانیہ لوڈ شیڈنگ نے عوام کی زندگی اجیرن کر دی

کراچی: ملک بھر میں علانیہ اور غیر علانیہ لوڈ شیڈنگ نے عوام کی زندگی اجیرن کر دی۔

اے آر وائی نیوز کے مطابق ملک کے کئی شہروں میں لوڈ شیڈنگ کا دورانیہ 18 گھنٹے تک پہنچ گیا ہے، کراچی اور لاہور میں لوڈ شیڈنگ کے ستائے عوام کے صبر کا پیمانہ لبریز ہو گیا۔

کراچی میں ماڑی پور روڈ پر لوڈ شیڈنگ کے خلاف شہریوں کا احتجاج 16 گھنٹے سے جاری ہے، احتجاج کے باعث ماڑی پور روڈ کے دونوں ٹریک بند ہیں، جناح برج، نیٹی جیٹی اور اطراف میں گاڑیوں کی قطاریں لگی ہوئی ہیں، ایم ٹی خان روڈ، مائی کلاچی روڈ، بوٹ بیسن سے پنجاب چورنگی تک ٹرک اور ٹریلرز کی قطاریں لگ گئی ہیں، لانڈھی فیوچر موڑ اور لیاقت آباد، تین ہٹی پل پر شہریوں نے رات گئے احتجاج کیا۔

وزیراعظم نےجولائی میں لوڈشیڈنگ مزید بڑھنےکا عندیہ دیدیا

گزشتہ روز لاہور شہر میں ایک درجن سے زائد مقامات پر شہریوں نے لوڈ شیڈنگ کے خلاف احتجاج کیا، لاہور کے علاقے سبزہ زار میں گزشتہ شام سے بجلی بند ہے، شہریوں نے لیسکو آفس کے سامنے احتجاج کیا۔

ادھر وزیر اعظم شہباز شریف نے جولائی میں لوڈ شیڈنگ مزید بڑھنے کا عندیہ دے دیا ہے، وزیر اعظم نے ن لیگ اور اتحادی جماعتوں کے ارکان اسمبلی سے خطاب میں کہا آئی ایم ایف سے معاہدہ ہونے جا رہا ہے، اس نے کڑی شرائط رکھی ہیں۔

پٹرول،گیس اور بجلی مہنگی کرنے کے باوجود وزیر اعظم کی ڈھٹائی برقرار رہی ہے، انھوں نے کہا کہ عوام کو ریلیف دے رہے ہیں۔ دوسری طرف پی ٹی آئی رہنما شہباز گل نے تنقید کرتے ہوئے کہا کہ اس وقت ایل این جی کے 4 کارگو کی ضرورت ہے، لیکن یہ حکومت ایک بھی نہ خرید سکی، یہ ایسا کوئی کام نہیں کرتے جس سے عوام کو فائدہ ہو، یہ پیٹرول کی قیمت مزید بڑھانے جا رہے ہیں۔

Comments

- Advertisement -