مظفرآباد: بھارتی فورسز کی جانب سے ایل او سی پر ایک بار پھر بلااشتعال فائرنگ کی گئی جس پر پاک فوج نے بھرپور جوابی کارروائی کی۔
تفصیلات کےمطابق بھارتی فوج کی جانب سے لائن آف کنٹرول کے بھمبراورچکوٹھی سیکٹر پر جدید ہتھیاروں سے بلااشتعال فائرنگ اور شدید گولہ باری بھی تاہم ابھی تک کسی جانی نقصان کی اطلاع نہیں ملی ۔
آئی ایس پی آر کےمطابق بھارتی فوج نے بھمبر سیکٹر کے ٹنڈر اور بروھ کے علاقوں میں فائرنگ کی تاہم پاک فوج کی جانب سے بھرپور جوابی کارروائی کی گئی جس کے بعد دشمن کی بندوقیں خاموش ہو گئیں۔
مزید پڑھیں:پاک بحریہ نے بھارتی آبدوز کو سمندری حدود میں داخل ہونے سے روک دیا
یاد رہے کہ گزشتہ روز بھارتی بحریہ کی آبدوز نے پاکستان کے سمندروں میں داخل ہونے کی کوشش تھی جس کو پاک بحریہ نے بر وقت ردعمل دیتے ہوئے ناکام بنادیا تھا۔
مزید پڑھیں:اب تک 40 سے زائد بھارتی فوجی مار چکے ہیں، راحیل شریف
واضح رہے کہ دو روز قبل آرمی چیف جنرل راحیل شریف نے کہاتھاکہ ہمارے 7 جوانوں کی شہادت والے دن بھارت کے 11 فوجی مارے گئےتھے ایل او سی پر اب تک 40 تا 45بھارتی فوجی مارے جا چکے ہیں،بھارت مردانگی کا ثبوت دیتے ہوئے اپنے فوجیوں کی ہلاکت کا بتایا کرے۔
