تازہ ترین

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

وفاقی حکومت نے آٹا برآمد کرنے کی اجازت دے دی

وفاقی حکومت نے برآمد کنندگان کو آٹا برآمد کرنے...

وزیراعظم شہباز شریف آج چیف جسٹس قاضی فائز عیسٰی سے اہم ملاقات کریں گے

اسلام آباد : وزیراعظم شہبازشریف اور چیف جسٹس سپریم...

بلوچستان کے 32 اضلاع میں بلدیاتی انتخابات کے لیے پولنگ کا آغاز ہو گیا

کوئٹہ: بلوچستان کے 32 اضلاع میں بلدیاتی انتخابات کے لیے پولنگ کا آغاز ہو گیا۔

تفصیلات کے مطابق بلوچستان میں بلدیاتی انتخابات کے لیے ووٹنگ کا عمل شروع ہو گیا ہے، پولنگ شام 5 بجے تک بغیر کسی وقفے کے جاری رہے گی۔

ووٹرز اپنا ر حق رائے دہی استعمال کرنے کے لیے پولنگ اسٹیشن پہنچنا شروع ہوگئے ہیں۔

ترجمان بلوچستان حکومت کا کہنا ہے کہ تمام ڈسٹرکٹس میں ہنگامی صورت حال سے متعلق تیاریاں مکمل ہیں، کوہلو، پنجگور، قلعہ عبداللہ میں ایف سی، پاک فوج کے جوان تعینات ہیں، جب کہ کوئیک رسپانس فورس تمام اضلاع میں موجود رہے گی۔

صوبے میں بلدیاتی انتخابات میں 35 لاکھ 52 ہزار 398 افراد حق رائے دہی استعمال کریں گے، صوبے بھر میں 5226 پولنگ اسٹیشن قائم کیے گئے ہیں، جب کہ 1974 پولنگ اسٹیشنز کو حساس، اور 2034 کو انتہائی حساس قرار دے دیا گیا ہے۔

کوہلو

ضلع کے 94 وارڈز کے 103 پولنگ اسٹیشنز میں انتخابی عمل شروع ہو گیا ہے، شہری نے اپنا پہلا ووٹ 2 میونسپل کمیٹی ڈگری کالج میں کاسٹ کر دیا، ضلع کے دور دراز علاقوں ماوند، تمبو اور گرسنی میں بھی انتخابی عمل شروع ہو گیا ہے۔

کوہلو میں انتخابی عمل صبح 8 سے بغیر کسی وقفے کے شام 5 بجے تک جاری رہےگا، ضلع میں سیکیورٹی ہائی الرٹ ہے، اور 1200 سے زائد پولیس اہل کار تعینات ہیں۔

گوادر

بلوچستان کے ساحلی شہر گوادر میں بھی صوبے بھر کی طرح بلدیاتی انتخابات کا آغاز ہو چکا ہے، انتخابی عملہ پولنگ اسٹیشنوں پر موجود ہے تاہم ووٹرز نہیں پہنچے، پولنگ اسٹیشنز میں عوام کی تعداد نہ ہونے کے برابر ہے، متعدد پولنگ اسٹیشنوں میں سہولیات ناکافی ہیں، بعض پولنگ اسٹیشنوں میں پھنکے نہ ہونے کی وجہ سے عملہ گرمی سے نڈھال ہے، ضلع بھر میں 376 امیدوار میدان میں ہیں۔

پشین

بلوچستان کے ضلع پشین میں بھی ووٹنگ کا عمل شروع ہو گیا ہے، پشین سے مجموعی طور پر 1453 امیدوار میدان میں ہیں، الیکشن کمیشن کے مطابق پشین سے 7 خواتین امیدوار بھی میدان میں ہیں، پشین میں رجسٹرڈ ووٹروں کی تعداد 2 لاکھ 2 ہزار 818 ہے۔

پشین میں خواتین رجسٹرڈ ووٹرز 1 لاکھ 26 ہزار، مرد ووٹرز 1 لاکھ 76 ہزار سے زائد ہیں، پشین میں بلدیاتی انتخابات کے لیے قائم پولنگ اسٹیشنز کی تعداد 505 ہے، مرد پولنگ اسٹیشنز 39، خواتین کے لیے 33 پولنگ اسٹیشنز قائم ہیں، 67 یونین کونسلوں کے 380 وارڈز پر انتخابات ہو رہے ہیں۔

ژوب

ژوب میں بھی پولنگ کا عمل شروع ہو گیا، 28 یونین کونسلوں کے 137 وارڈز کے لیے پولنگ کا عمل جاری ہے، انتخابات میں 528 امیدوار مد مقابل ہیں، بی اے پی کے 6، جے یو آئی (ف) کے 6 امیدوار بلا مقابلہ کامیاب ہو گئے ہیں، پشتونخوا میپ کے 2، ن لیگ کے 2 اور 10 آزاد امیدواروں سمیت 26 امیدوار بلا مقابلہ کامیاب ہو گئے ہیں۔ ژوب میں 40 پولنگ اسٹیشنز انتہائی حساس اور 42 حساس قرار دیے گئے ہیں۔

مستونگ

مستونگ میں ووٹنگ کا عمل شروع ہو چکا ہے، مستونگ سے مجموعی طور پر 500 امیدوار میدان میں ہیں، الیکشن کمیشن کے مطابق مستونگ سے 1 ایک خاتون امیدوار بھی میدان میں ہے۔

شیرانی

شیرانی میں پولنگ کا عمل جاری ہے، 18 یونین کونسلوں کے 86 وارڈز پر 281 امیدوار مدمقابل ہیں، 36 امیدوار بلا مقابلہ کامیاب ہو گئے ہیں،الیکشن کمیشن کے مطابق 7 انتہائی حساس جب کہ 42 حساس پولنگ اسٹیشن شامل ہیں۔

جعفرآباد

جعفر آباد میں بھی بلدیاتی الیکشن کا میدان سج گیا ہے، ضلع بھر میں پولنگ کا عمل شروع ہو گیا ہے، ضلع بھر میں 2 لاکھ 62 ہزار 780 ووٹرز اپنا حق رائے دہی استعمال کریں گے، ووٹرز کی بڑی تعداد پولنگ اسٹیشنز پر پہنچ گئی ہے، خواتین بھی بڑی تعداد میں ووٹ ڈالنے پہنچ چکی ہیں۔

Comments

- Advertisement -