The news is by your side.

Advertisement

پنجاب میں بلدیاتی انتخابات کب؟

خیبر پختون خوا میں بلدیاتی انتخابات کے سلسلے میں ویلج اور نیبرہڈ کونسلز کی حلقہ بندیوں کا شیڈول جاری

لاہور: پنجاب حکومت نے بلدیاتی انتخابات کے دنگل کی تیاری شروع کر دی، رواں سال کے آخر تک بلدیاتی انتخابات کا پہلا مرحلہ شروع ہوگا۔

اے آر وائی نیوز کے مطابق پنجاب میں بلدیاتی انتخابات کا پہلا مرحلہ رواں سال کے آخر تک شروع ہوگا، اراکین پنجاب اسمبلی کو اس سلسلے میں گرین سگنل بھی دے دیا گیا ہے۔

ذرایع کا کہنا ہے کہ اراکین کو کرونا کے ساتھ بلدیاتی انتخابات پر بھی توجہ رکھنے کی ہدایت کی گئی ہے۔ اراکین سے کہا گیا کہ اپنے حلقوں میں ترقیاتی کاموں کی تفصیلات فراہم کریں اور حلقوں پر زیادہ سے زیادہ توجہ دیں۔

ذرایع نے بتایا کہ اراکین اسمبلی پارٹی قیادت کے ساتھ مل کر بلدیاتی انتخابات کے لیے کام کریں گے۔

پنجاب میں بلدیاتی انتخابات کے حوالے سے وزیراعظم کی اہم ہدایت

ادھر خیبر پختون خوا میں بلدیاتی انتخابات کے سلسلے میں ویلج اور نیبرہڈ کونسلز کی حلقہ بندیوں کا شیڈول جاری کر دیا گیا ہے، الیکشن کمیشن کا کہنا ہے کہ حلقہ بندیوں پر کام کا آغاز 6 جولائی سے کیا جائے گا، ہر ضلعے کا ڈسٹرکٹ کمشنر بطور کنوینر مقرر کیا گیا ہے، متعلقہ اسسٹنٹ کمشنر، اسسٹنٹ ڈائریکٹر بلدیاتی کمیٹی کے ممبران ہوں گے۔

الیکشن کمیشن کے مطابق حلقہ بندیوں کے لیے 25 جولائی تک ضروری انتظامات کیے جائیں گے، حلقہ بندیوں کے لیے نقشہ جات اور ضروری معلومات کو حتمی شکل دی جائے گی، کمیٹیاں 20 اگست تک حلقہ بندیوں کی ابتدائی فہرست جاری کریں گی۔

عوامی تجاویز اور اعتراضات کے لیے حلقہ بندیوں کی فہرستیں 21 جولائی کو جاری ہوں گی، ان پر فیصلہ 5 اکتوبر کو کیا جائے گا، 13 اکتوبر کو حلقہ بندیوں کی حتمی فہرستوں کا اعلامیہ جاری ہوگا۔

Comments

یہ بھی پڑھیں