کراچی اور حیدرآباد میں بلدیاتی الیکشن 15 جنوری کو کرانے یا نہ کروانے سے متعلق سندھ حکومت کا فیصلہ آج متوقع ہے۔
تفصیلات کے مطابق وزیراعلیٰ سندھ سید مرادعلی شاہ کی زیرصدارت صوبائی کابینہ کا اجلاس شروع ہو گیا ہے جس میں بلدیاتی الیکشن کے انعقاد سے متعلق فیصلہ کیا جائے گا۔
ذرائع کا کہنا ہے کہ پیپلز پارٹی ایم کیوایم کو راضی رکھنے کیلئے الیکشن ملتوی کرانے پر غور کر رہی ہے۔ سندھ کابینہ کوآئی جی سندھ پولیس سکیورٹی صورتحال پربریفنگ دیں گے۔
ایم کیو ایم پاکستان کی کنوینر خالد مقبول صدیقی کا کہنا ہےکہ حلقہ بندیاں آج ہی ٹھیک کرلیں گےتو بےشک کل انتخابات کرالیں،بصورت دیگر پندرہ جنوری کو بلدیاتی انتخابات نہیں ہونے دیں گے۔
ڈاکٹر فاروق ستار کا کہنا ہے کہ ایم کیو ایم پاکستان کی سیٹیں چھینی گئیں جس سے ایم کیو ایم تقسیم ہوگئی، وقت آگیا ہے کہ اب وفاقی حخومت سے الگ ہونا چاہیے