اسلام آباد: ایوان بالا کے اجلاس کے دوران لوکل گورنمنٹ ترمیمی بل 2022 کی منظور کرلیا جبکہ اجلاس کے دوران اپوزیشن کا احتجاج بھی جاری رہا۔
چیئرمین سینیٹ صادق سنجرانی کی زیرِ صدارت اجلاس میں لوکل گورنمنٹ ترمیمی بل 2022 کے حق میں 24 اور مخالفت میں 12 ووٹ ڈالے گئے۔
قبل ازیں سینیٹ اجلاس کے دوران کورم کی نشاندہی کی گئی تو صرف 22 اراکین موجود تھے۔ ایوان میں 3 منٹ کے لیے گھنٹیاں بجانے کی ہدایت کی گئی۔
یہ بھی پڑھیں: اسلام آباد بلدیاتی انتخابات اور بینوولنٹ فنڈ ترمیمی بل 2022 منظور
ایوان میں اپوزیشن اراکین نے احتجاج اور شور شرابہ کیا۔ اپوزیشن اراکین کی جانب سے چیئرمین سینیٹ کے ڈائس کا گھیراؤ کیا گیا جس پر صادق سنجرانی نے کہا کہ اپنی نشست پر جا کر کورم کی نشاندہی کریں۔
پی ٹی آئی کے سینیٹر شہزاد وسیم نے اظہارِ خیال کیا کہ اجلاس کو بلڈوز کرنا بند کر دیں۔ بعد ازاں سینیٹ سے پی ٹی آئی کے سینیٹرز نے واک آؤٹ کرلیا۔