پاکستان تحریک انصاف نے عمران خان کی گرفتاری کی صورت میں حکمت عملی طے کر لی۔
ذرائع کے مطابق پاکستان تحریک انصاف کی پارلیمانی پارٹی اجلاس میں اسدعمر نےعمران خان کی گرفتاری کی صورت میں حکمت عملی سےآگاہ کیا۔
اسدعمر نے کہا کہ پہلے تو مجھے امید ہے عمران خان کو گرفتار کرنے کی نوبت نہیں آئے گی اگر خان صاحب کو گرفتار کیا گیا تو ہر شہر میں لاک ڈاؤن کر دیا جائے۔
اسدعمر نے ہدایت دی کہ ضلعی صدور کو پہلے ہی طریقہ بتا دیا کس طرح لاک ڈاون کرنا ہے لاک ڈاؤن سے اگلے ہی روز سب نے اسلام آباد کا رخ کرنا ہے۔
ذرائع کے مطابق کے پی سے ایم این اے جنید اکبر نے کہا اگر آج ہم اسمبلی میں ہوتے تو بہتر ہوتا جس پر عمران خان نے کہا کہ اسمبلی میں رہتےتو آج لوگ ہمارےساتھ نہ نکلتے۔
عمران خان نے پارلیمانی پارٹی کو الیکشن کی تیاری کی ہدایات کرتے ہوئے کہا کہ حلقوں میں جائیں عوام کےساتھ گھل مل جائیں۔
انہوں نے کہا کہ موجودہ حکمران لوگوں میں خوف پیدا کرنا چاہتے ہیں حقیقی آزادی کی تحریک سے پیچھے نہیں ہٹوں گا۔
