اسلام آباد: وزیراعظم عمران خان کا کہنا ہے کہ لاک ڈاؤن کا مطلب معیشت کا خاتمہ اور غربت میں تیزی سے اضافہ ہے۔
تفصیلات کے مطابق وزیراعظم عمران خان نے سماجی رابطے کی ویب سائٹ ٹویٹر پر اپنے پیغام میں کہا کہ لاک ڈاؤن کا مطلب معیشت کی تباہی ہے، کچھ اشرافیہ جو کشادہ مکانات میں رہتی ہے لاک ڈاؤن کی خواہاں ہے۔
انہوں نے کہا کہ ایک طرف عوام ہیں جو کرونا کو سنجیدگی سے نہیں لے رہے ہیں دوسری طرف ہمارے فرنٹ لائنز ڈاکٹرز اور عملہ خطرے میں ہے، عوام کرونا کی شدت اور ایس او پیز پر سختی سے عملدرآمد کی ضرورت کو سمجھیں۔
world has discovered is smart lockdown which allows for economic activity with SOPs. We are amongst pioneers of this approach.I appeal to civil society, media, Ulema & our tiger force to create awareness amongst the public of COVID19’s severity & the need to strictly observe SOPs
— Imran Khan (@ImranKhanPTI) June 6, 2020
عمران خان نے کہا کہ مودی کے لاک ڈاؤن میں ہندوستان میں غریبوں کو کچلا جارہا ہے، لاک ڈاؤن سے غریب آدمی اسی طرح متاثر ہوگا جیسے مودی کے لاک ڈاؤن سے بھارت میں ہوا، کرونا پھیلاؤ روکنے کا واحد حل جو دنیا نے دریافت کیا اسمارٹ لاک ڈاؤن ہے۔
وزیراعظم نے کہا کہ اسمارٹ لاک ڈاؤن ایس او پیز کے ساتھ معاشی سرگرمی کی اجازت دیتا ہے، ہم اسمارٹ لاک ڈاؤن کے بانیوں میں شامل ہیں، سول سوسائٹی، میڈیا، علما، ٹائیگر فورس عوام میں شعور بیدار کریں۔
واضح رہے کہ گزشتہ روز وزیراعظم عمران خان کا کہنا تھا کہ کرونا وائرس کو پھیلنے سے کوئی نہیں روک سکتا، ہوسکتا ہے آئندہ دنوں میں ہمیں کرونا سے زیادہ متاثر علاقے بند کرنا پڑیں۔
ان کا کہنا تھا کہ امریکا، اٹلی، اسپین میں ایک دن میں 2 ہزار تک اموات ہوئیں، پاکستان میں کورونا سے اموات کی تعداد اُتنی زیادہ نہیں ہے، لاک ڈاؤن میں اصل نقصان غریب لوگوں کا ہے۔
