لندن کے مشرقی علاقے میں میوزکل پروگرام کے دوران چاقو بردار شخص نے وہاں موجود لوگوں پر حملہ کیا، جس میں 5 افراد زخمی ہوگئے۔
برطانوی میڈیا رپورٹس کے مطابق مشرقی لندن میں کروڈن کے علاقے میں آسدا سپرمارکیٹ کے قریب مذکوہ واقعہ پیش آیا، میوزیکل پروگرام میں جھگڑے کے دوران ملزم نے چاقو سے حملہ کیا، مبینہ طور پر ملزم نے مشتعل ہوکر حملہ کیا اور 5 لوگوں کو نشانہ بنایا۔
میٹروپولیٹن پولیس نے بتایا کہ زخمی ہونے والوں میں ایک 50 سالہ شخص جبکہ 2 لوگوں کی عمر 30 سال کے آس پاس ہے، دو زخمی ہونے والے کی عمریں 20 سال کے قریب بتائی جارہی ہیں۔
برطانوی میڈیا نے بتایا کہ پولیس نے علاقہ گھیرے میں لےلیا ہے جبکہ ایک مشتبہ شخص کو چاقو حملے کے الزام میں گرفتار کیا گیا ہے جس کی عمر 30 سال بتائی جاتی ہے۔
برطانوی پولیس کے چیف سپرنٹینڈنٹ اینڈی بریٹین نے بتایا کہ تفتیش سےپتا چلا کہ جن پر حملہ ہوا اور جس سے ملزم نے چاقو کے وار کیے وہ لوگ آپس میں ایک دوسرے کو جانتے تھے۔
