لندن: ٹرین ڈرائیورز کی ہڑتال کے باعث لندن کی سڑکوں پر بھی ٹریفک جام ہو گیا ہے۔
تفصیلات کے مطابق برطانوی دارلاحکومت لندن میں ڈرائیورز کی ہڑتال کی وجہ سے انڈر گراؤنڈ ٹرین سروس بند ہو گئی۔
لندن میں ٹرین ڈرائیورز، اساتذہ، ڈاکٹرز، صحافی اور سول سرونٹس تنخواہوں اور مراعات میں بہتری کے لیے ہڑتال پر چلے گئے ہیں۔
ٹرین سروس بند ہونے سے شہریوں کو شدید مشکلات کا سامنا کرنا پڑ رہا ہے، اسٹیشنز پر رش لگ گیا ہے، ٹرین سروس بند ہونے سے سڑکوں پر موجود ٹرانسپورٹ پر بھی دباؤ بہت زیادہ بڑھ گیا۔
برطانیہ: معمر افراد کو کام پر واپس لانے کے لیے نئے منصوبے کا اعلان
ٹریفک پر بے پناہ دباؤ کی وجہ سے ٹریفک سسٹم بھی درہم برہم ہو گیا، ٹریفک جام ہونے سے سڑکوں پر شہری طویل قطاروں میں پھنس کر رہ گئے۔
