تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

لندن : نوازشریف کے ذاتی معالج ڈاکٹرعدنان پر نامعلوم افراد کا حملہ

لندن : نواز شریف کے ذاتی معالج ڈاکٹر عدنان پر لندن میں نقاب پوش افراد نے حملہ کرکے زخمی کردیا، حملے کے نتیجے میں ڈاکٹر عدنان کے سر، چہرے اور گردن پر گہرے زخم آئے ہیں۔

تفصیلات کے مطابق سابق وزیر اعظم میاں محمد نواز شریف کے ذاتی معالج ڈاکٹر عدنان پر برطانوی دالحکومت لندن میں راڈ کے ذریعے حملہ کیا گیا ہے، حملہ نقاب پوش افراد نے اس وقت کیا جب وہ شام کی چہل قدمی کررہے تھے۔

ذرائع سے معلوم ہوا ہے کہ ڈاکٹر عدنان کو حملے کے بعد زخمی حالت میں اسپتال منتقل کیا گیا تھا، لندن ایمبولینس سروس کے ترجمان نے نواز شریف کے ذاتی معالج پر حملے کی تصدیق کرتے ہوئے بتایا ہے کہ ڈاکٹر عدنان کو سر، چہرے، گردن اور سینے پر گہرے زخم آئے ہیں۔

ذرائع کے مطابق ڈاکٹر عدنان پر حملے کی رپورٹ برطانوی پولیس کو درج کروادی گئی ہے جس کے بعد پولیس نے حملہ آوروں کی تلاش شروع کردی۔

نقاب پوش افراد نے ڈاکٹر عدنان کو زمین پر گرا کر ٹانگیں ماریں اور شدید تشدد کا نشانہ بنایا، ذرائع کا کہنا ہے کہ اس سے قبل ڈاکٹر عدنان کو کی مرتبہ دھمکی آمیز کالز بھی آچکی ہیں جبکہ لندن میں نواز شریف کے گھر کے باہر کئی مرتبہ احتجاج اور لڑائی جھگڑے کے واقعات بھی رونما ہوچکے ہیں۔

Comments

- Advertisement -