The news is by your side.

Advertisement

بھارت : پریمی جوڑے کے ساتھ گاؤں والوں کا انتہائی اذیت ناک سلوک

بہار : بھارت میں گاؤں والوں نے لڑکا اور لڑکی کو سرعام دردناک اذیت کا نشانہ بنادیا، لڑکا اپنی دوست سے ملنے اس کے گاؤں آیا تھا کہ لوگوں نے دونوں کو پکڑ لیا۔

تفصیلات کے مطابق بھارتی ریاست بہار کے کٹیہار ضلع میں لڑکے اور لڑکی پر تشدد کا واقعہ پیش آیا ہے جس کی ویڈیو سوشل میڈیا پر بھی وائرل ہوگئی ہے۔

یہ واقعہ جمعہ کی رات کو اس وقت پیش آیا جب قریبی گاؤں کا ایک لڑکا اس گاؤں میں اپنی دوست سے ملنے گیا تھا، گاؤں والوں نے دونوں کو پکڑ لیا اور اس بے رحمانہ طریقے سے تشدد کیا کہ دیکھنے والے بھی دہل کر رہ گئے۔

پہلے تو ملزمان نے دونوں کو برہنہ کرکے ان کی ویڈیو بنائی اور پھر انہیں بلیک میل کرکے اجتماعی طور پر لڑکی سے بھی بد سلوکی کی اور پھر اس پر ہی بس نہ کیا بلکہ لڑکے اور لڑکی کے نازک اعضاء کو گرم لوہے سے داغ دیا۔

اطلاع ملنے پر پولیس نے ان دونوں کو بازیاب کرایا اور لڑکی کی مدعیت میں درج کی گئی ایف آئی آر کی بنیاد پر گاؤں کے متعدد افراد پر مقدمہ درج کرلیا۔

اس سلسلے میں ڈنڈکھورہ پولیس اسٹیشن میں مقدمہ درج کیا گیا ہے۔ کتھر کے ایس پی ہری موہن شکلا نے بتایا کہ پولیس نے ملزمان کی گرفتاری کے لئے کارروائی شروع کردی ہے۔

بعدازاں عاشق جوڑے کو کینگارو کورٹ میں پیش کیا گیا، عدالت نے ملزمان کو قصوروار قرار دیتے ہوئے ان پر دو لاکھ 25 ہزار روپے کا جرمانہ عائد کیا ہے۔

Comments

یہ بھی پڑھیں