site
stats
عالمی خبریں

جرمن ایئرلائن لفتھانزا کے پائلٹس کی ہڑتال، ایک ہزار پروازیں متاثر

جرمنی : جرمن ایئرلائن لفتھانزا کے پائلٹس ہڑتال کے باعث ایک ہزار کے قریب پروازیں متاثر ہوئی جبکہ عدالت نے ہڑتال غیر قانونی قرار دیکر لفتھانزا کے پائلٹوں کو ہڑتال ختم کرکے ڈیوٹی شروع کرنے کا حکم دیدیا ہے۔

جرمنی میں پائلٹوں کی ہڑتال دوسرے روز بھی جاری ہے، ہڑتال کے باعث ایک ہزار پروازیں منسوخ کی گئیں، جرمن ایئر لائن لفتھانزا کی پائلٹ یونین ریٹائرمنٹ کے قوانین اور کم تنخواہوں کے خلاف دو روز سے ہڑتال پر ہے۔

ہڑتال کی وجہ سے اب تک ایک ہزار پروازیں منسوخ کی جاچکی ہیں، جرمنی کی عدالت نے ہڑتال کے خلاف حکم جاری کرتے ہوئے پائلٹس کو فوری ہڑتال ختم کرنے کا حکم دے دیا ہے۔

لفتھانزا کے اندرون ملک سفر کرنے والے مسافروں کو قومی ریلوے سروس پر سوار کرایا جا رہا ہے تا کہ وہ اپنی منزل پر پہنچ سکیں۔ پائلٹوں نے اپنی اِس ہڑتال کے دوران کارگو اور طویل فاصلے کی تجارتی پروازوں کا بائیکاٹ کر رکھا ہے۔

لفتھانزا کے پائلٹس اور کمپنی کے مابین ریٹائرمنٹ کی عمر کے بارے میں طویل عرصے سے اختلافات چلے آ رہے ہیں اور یہ تازہ ہڑتال بھی اسی سلسلے کی ایک کڑی ہے۔ ان پائلٹوں کی طرف سے گزشتہ اٹھارہ مہینوں کے دوران یہ 13 ویں ہڑتال ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top