کراچی: دوسال قبل مچھر کالونی میں ٹیلی کام کمپنی کے ملازمین کو قتل کرنے میں ملوث ملزم کو گرفتار کرلیا گیا۔
تفصیلات کے مطابق کراچی میں سی ٹی ڈی انویسٹی گیشن کی ماڑی پور میں کارروائی کرتے ہوئے 2022 میں مچھر کالونی میں ٹیلی کام ملازمین کے قتل میں ملوث ملزم گرفتار کرلیا گیا۔
Machhar Colony incident : suspect arrest two mobile company workers murder
حکام نے کہا کہ ملزم نے دونوں ملازمین کو اغوا کاربتاکر ہجوم کے ہمراہ قتل کیا تھا اور ملزم نے ساتھیوں کے ساتھ مل کر لاش جلائی اور گاڑی کوآگ لگائی۔
سی ٹی ڈی حکام کا کہنا تھا کہ ملزم واقعے کے بعد سے روپوش تھا۔
یاد رہے کہ 2022 میں مچھر کالونی میں ہجوم نے ٹیلی کام کمپنی کے دو ملازمین کو شدید تشدد کرکے قتل کیا گیا تھا جس کے بعد مقدمہ میں 54 ملزمان کو نامزد کیا گیا تھا ، لیکن اب تک پولیس 26 ملزمان کو ہی گرفتار کر سکی ہے۔
