کراچی میں مددگار پولیس نے بروقت ایکشن لے کر گمشدہ بچی کو ورثا تک پہنچا دیا۔
تفصیلات کے مطابق گزشتہ روز مدد گار ون فائیو کو لاوارث بچی کے ملنے کی اطلاع موصول ہوئی تھی، مددگار ون فائیو کے اہلکار سرجانی ٹاؤن موقع پر پہنچ کر کال کرنے والے سے ملے اور لاوارث بچی کو بوٹ بیسن تھانے منتقل کیا۔
اسی روز تھانہ بوٹ بیسن سے مددگار ون فائیو کال سینٹر پر بچی کی گمشدگی کی اطلاع ملی تھی، جس کے بعد لاوارث بچی کی تصاویر سے تصدیق کرکے ورثا کے حوالے کر دیا گیا۔
- Advertisement -
چھ سالہ بچی نیلم کالونی کے رہائشی انصار عباس کی بیٹی ہے، انصار عباس نے گمشدہ بچی کو مددگار ون فائیو کی مدد سے حاصل کرکے ٹیم کا شکریہ ادا کیا۔
دوسری جانب ترجمان پولیس کے مطابق ایڈیشنل آئی جی نے اہلکاروں کے خدمت کے جذبے کو سراہتے ہوئے انھیں شاباش دی۔
