لاہور: قبضہ مافیا نے لاہور ٹاؤن شپ تھانے کی سبزی منڈی پر موجود پولیس چوکی پر بھی قبضہ جما لیا ہے۔
تفصیلات کے مطابق 18 سال تک پولیس چوکی رہنے والی عمارت رہائش گاہ میں تبدیل کر دی گئی ہے، قبضہ مافیا نے پولیس افسران کی مدد سے لاہور ٹاؤن شپ تھانے کی چوکی قبضہ جما لیا۔
چوکی کی عمارت سے پولیس کا بورڈ اتار کر قبضہ مافیا نے اپنا بورڈ بھی لگا دیا ہے، متعلقہ جگہ کو 1992 میں ایل ڈی اے نے پولیس چوکی کے لیے مختص کیا تھا، ایل ڈی اے ریکارڈ میں تاحال مذکورہ جگہ پر پولیس چوکی کا نقشہ موجود ہے۔
ذرایع کا کہنا ہے کہ پولیس چوکی پر قبضے میں ٹاؤن شپ سرکل افسران ملوث ہیں، سابق ایس ایچ او نے سرکاری دستاویزات میں پولیس چوکی کو رہائش گاہ قرار دیا، افسران نے چوکی پر قبضے کے لیے مبینہ طور پر کروڑوں روپے رشوت لی ہے۔
اینٹی کرپشن کی قبضہ مافیا کے خلاف کارروائی، ہزاروں ایکڑ ارضی واگزار
ایس پی صدر کا کہنا ہے کہ پولیس چوکی پر قبضے کا معاملہ زیر غور ہے، اور تحقیقات جاری ہیں، ابتدائی تحقیقاتی رپورٹ بھی سی سی پی او لاہور کو بھجوا دی گئی ہے، سابق ایس ایچ او کا جگہ کے قبضے کا اقرار نامہ بھی رپورٹ کا حصہ بنایا گیا ہے۔
