بھارت کے حالیہ ریاستی انتخابات میں جیتنے والے آزاد امیدوار شیواجی پاٹل جیت کا جشن مناتے ہوئے آگ میں لگنے سے زخمی ہوگئی۔
کولہاپور کے چاند گڑھ کے حلقے سے آزاد امیدوار شیواجی پاٹل فاتح بنے، وہ اپنے حامیوں کے ساتھ خوشی میں جلوس بھی نکال رہے تھے، جلوس میں آتش گیر مادے بھی جلائے جارہے تھے کہ اسی دوران آگ بھڑک اٹھی، جس سے پاٹل سمیت 3 سے 4 افراد زخمی ہوگئے۔
رپورٹس کے مطابق چاند گڑھ تحصیل کے مہاگاؤں میں شیواجی پاٹل کی کچھ خواتین پوجا کر رہی تھیں کہ اس وقت اوپر سے گلال کی بڑی مقدار گر گئی،
جشن کے موقع پر آگ لگنے کی وجہ سے کچھ خواتین اور شیواجی پاٹل زخمی ہوئے ہیں، جیسے ہی موقع پر آگ لگی لوگوں میں بھگدڑ مچ گئی۔
خیال رہے کہ مہاراشٹر اسمبلی انتخابات میں مہایوتی کو اکثریت حاصل ہوئی ہے، شیوسینا کے سربراہ ادھو ٹھاکرے نے ہفتہ کو مہاراشٹر اسمبلی انتخابات کے نتائج کو مکمل طور پر غیر متوقع اور ناقابل فہم قرار دیا۔
پریس کانفرنس کرتے ہوئے ٹھاکرے نے کہا کہ وہ یقین نہیں کر سکتے کہ مہاراشٹرا ان کے ساتھ ایسا سلوک کرے گا یہاں پر ضرور کچھ گڑبڑ ہے۔
