عالمی شہرت یافتہ پاکستانی اداکارہ ماہرہ خان کی اپنی ہمشکل لڑکی سے ملاقات کی تصاویر وائرل ہوگئیں۔
سوشل میڈیا کے مختلف پلیٹ فارمز پر اداکارہ ماہرہ خان کی ہمشکل لڑکی کے ساتھ ملاقات کی تصاویر وائرل ہورہی ہیں جس میں دونوں کو کراچی ایئرپورٹ پر خوشگوار موڈ میں دیکھا جاسکتا ہے۔
ماہرہ خان نے اس دوران خاکی لباس زیب تن کیا ہوا ہے جبکہ ہمشکل کراسہ انور نے کائی رنگ کا مشرقی لباس پہنا ہوا ہے۔
View this post on Instagram
سوشل میڈیا انفلوئنسر کراسہ انور کی جانب سے ماہرہ خان سے ملاقات کی تصاویر اپنے سوشل میڈیا اکاؤنٹ پر بھی شیئر کی گئی ہیں۔
ماہرہ خان اور کراسہ انور کی تصاویر کو مداحوں کی جانب سے خوب سراہا جارہا ہے۔
View this post on Instagram
صارفین کی جانب سے کہا جارہا کہ دونوں بہنیں لگ رہی ہیں جبکہ بعض سوشل میڈیا صارفین نے دونوں کو ایک دوسرے کی کاپی قرار دیا اور ساتھ ہی دونوں کی خوبصورتی کی تعریفیں بھی کیں۔
ماہرہ خان کی ہم شکل کراسہ انور کا تعلق بھی کراچی سے ہے اور وہ سوشل میڈیا پر کافی متحرک رہتی ہیں ساتھ ہی بیوٹی ماڈلنگ بھی کرتی ہیں۔
View this post on Instagram
واضح رہے کہ جون 2020 میں کراسہ انور کی ویڈیوز اور تصاویر وائرل ہوئی تھیں اور سوشل میڈیا صارفین نے انہیں ماہرہ خان کی جڑواں بہن قرار دیا تھا۔
