گروگرام: بھارت میں ایک ملازمہ کی لفٹ کے فرش پر کتے کو مارنے کی ویڈیو سامنے آنے کے بعد جانوروں سے محبت کرنے والے صدمے میں رہ گئے۔
یہ سی سی ٹی وی فوٹیج مبینہ طور پربھارت کے گروگرام کے سیکٹر 109 میں راہیجا اتھروا سوسائٹی کی ہے۔ جس میں دیکھا جاسکتا ہے کہ ایک خاتو ن ملازمہ کو کتے پر ظلم کرتے ہوئے دکھایا گیا ہے۔
بھارتی میڈیا کے مطابق خاتون کی شناخت سنیتا کے نام سے ہوئی ہے، وہ دو چھوٹے کتوں کے ساتھ لفٹ میں داخل ہوتی ہے اور جس وقت لفٹ کے دروازے بند ہوتے ہیں، ویسے ہی ملازمہ ان میں سے ایک کتے کا پٹا پکڑ لیا اور اسے فرش پر دے مارتی ہے۔
#ShockingVideo A maid in Raheja Atharwa Society #Gurgaon #Gurugram slams a #dog on lift floor repeatedly. Please don't send your pets with servants who don't love them or are frustrated with you. @PetaIndia #AnimalCruelty#dogsoftwitter #Dogsarefamily #DogVideo #DogLover pic.twitter.com/P2NgeOk43L
— Sumedha Sharma (@sumedhasharma86) April 13, 2023
ویڈیو دیکھنے کے بعد سوسائٹی کے حکام نے فوری طور پر مالکان کو آگاہ کیا جس نے ملازمہ سنیتا کو نوکری سے فارغ کردیا۔
ملازمہ نے الزام لگایا کہ کتے نے واک کے دوران اسے کاٹنے کی کوشش کی تھی اور وہ اسے سبق سکھانا چاہتی تھی۔
مالکان اور حکام نے ملازمہ کے الزامات کی تردید کردی جبکہ سوسائٹی کے ارکان کا دعویٰ ہے کہ ملازمہ نے اپنا غصہ کتے پر نکالا۔ سوسائٹی نے ملازمہ کو بلیک لسٹ کر کے اس کے داخلے پر پابندی لگا دی ہے۔
