20.8 C
Ashburn
بدھ, مئی 22, 2024
اشتہار

سپریم جوڈیشل کونسل اور جوڈیشل کمیشن میں اہم تبدیلیاں

اشتہار

حیرت انگیز

سپریم جوڈیشل کونسل اور جوڈیشل کمیشن میں اہم تبدیلیاں ہو گئی ہیں اور جسٹس اعجاز الاحسن سپریم جوڈیشل کونسل کے رکن بن گئے ہیں۔

اے آر وائی نیوز کےمطابق سپریم جوڈیشل کونسل اور جوڈیشل کمیشن میں اہم تبدیلیاں ہو گئی ہیں اور جسٹس اعجاز الاحسن سپریم جوڈیشل کونسل کے رکن بن گئے ہیں جب کہ جسٹس سردار طارق پہلے ہی سپریم جوڈیشل کونسل کا حصہ ہیں۔

آئین کے مطابق چیف جسٹس اور 2 سینئر ترین ججز سپریم جوڈیشل کونسل کا حصہ ہوتے ہیں۔

- Advertisement -

اس کے علاوہ جسٹس منیب اختر ججز تقرری کیلیے قائم جوڈیشل کمیشن کا حصہ بن گئے جب کہ جسٹس سردار طارق، جسٹس اعجاز الاحسن اور جسٹس منصور علی شاہ پہلے ہی اس کمیشن کا حصہ ہیں۔

آئین کے مطابق جوڈیشل کمیشن کے سربراہ چیف جسٹس اور 4 سینئر ججز رکن ہوتے ہیں جب کہ کمیشن کے دیگر ارکان میں ایک ریٹائرڈ جج، وزیرقانون، اٹارنی جنرل شامل ہوتے ہیں۔ اس کے علاوہ پاکستان بار کونسل کا ایک نمائندہ بھی جوڈیشل کمیشن کا حصہ ہوتا ہے۔

قاضی فائز عیسیٰ نے چیف جسٹس آف پاکستان کا حلف اٹھا لیا

یاد رہے کہ جسٹس قاضی فائز عیسی نے چیف جسٹس آف پاکستان کے عہدے کا حلف اٹھا لیا ہے۔ وہ 29 ویں چیف جسٹس آف پاکستان بنے ہیں۔ صدر مملکت ڈاکٹر عارف علوی نے ان سے عہدے کا حلف لیا۔

Comments

اہم ترین

عبدالقادر
عبدالقادر
عبدالقادر پچھلے 8برس سے اے آر وائی نیوز میں بطور سینئر رپورٹر خدمات انجام دے رہے ہیں، آپ وزیراعظم عمران خان اور حکمراں جماعت پاکستان تحریک انصاف سے جڑی خبروں اور سیاسی معاملات پر گہری نظر رکھتے ہیں۔

مزید خبریں